Дэлхийн шилдэг улс төрчдийн нэг, Америкийн Төрийн нар.б. дарга асан Мадлен Олбрайт 85 насандаа хорвоогийн мөнх бусыг үзүүлжээ. Хатагтай Олбрайт АНУ-ын экс ерөнхийлөгч Билл Клинтоны засгийн газарт ажиллаж байсан юм.
1997 онд Мадлен Олбрайт АНУ-ын Төрийн нар.б. даргын албан тушаалд томилогдсон улсынхаа анхны эмэгтэй улс төрч болсон юм. Үүнээс өмнө хатагтай Олбрайт НҮБ-д АНУ-ыг төлөөлөн сууж байсан юм. Чехийн нийслэл Прага хотхоо Чехийн дипломатын гэр бүлд төрж өссөн Мария Яна Корбелова улсынх нь төрийн эрхэнд коммунистууд гарсны дараа АНУ-д дүрвэн очжээ.
Тэрээр Америкт ирснийхээ дараа Мадлен гэх нэртэй болсон юм. Мадлен Олбрайт НАТО-г өргөжүүлэн тэлэхийн төлөө, мөн 1999 онд Югославын дайн тулаанд Умард Атлантын цэргийн эвсэл оролцох нь зүйтэй гэсэн байр суурьтай байсан. Түүнчлэн хатагтай Олбрайтын оролцоотойгоор тухайн жил нь Египтийн Шарм аль Шейх хотод Израиль-Палестины удирдлагуудын хооронд энхийн яриа хэлэлцээр эхлүүлэх санамж бичигт гарын үсэг зурж байжээ. Сүүлд ОХУ, Украины нутаг руу цэргийн ажиллагаа явуулж эхэлснийг Москвагийн түүхэн алдаа гэж үзэж байжээ.