Топ мэдээнүүд

Grid List

Засгийн газрын өнөөдрийн хуралдаанаар 500 мянган төгрөг хүртэлх тэтгэврийг 30 мянга, 500 мянга ба түүнээс дээш хэмжээтэй тэтгэврийг 25 мянган төгрөгөөр нэмэх шийдвэр гаргалаа. Ингэснээр 421.7 мянган иргэний тэтгэвэр дунджаар 8.8 хувиар нэмэгдэж, дундаж тэтгэвэр 409 мянган төгрөг болж байгаа юм. Тогтоолыг 2020 оны хоёрдугаар сарын 1-ний өдрөөс мөрдөж эхлэх шийдвэр гаргалаа.

Өнөөдөр Уул уурхай, хүнд үйлдвэрийн яамнаас салбарын өнгөрсөн сарын нэгдсэн мэдээллийг өглөө. Өнгөрсөн онд уул уурхайн салбар ашигтай ажилласан байна. Мөн энэ үеэр Эрдэнэс Таван толгой компанийн хувьцааг олон улсад гаргах ажил амжилттай явагдаж байгааг мэдэгдлээ.

Австралийн Холбооны Улсад болсон парламентын 28 дугаар чуулганд оролцсон гишүүд Сидней хоттой танилцах хөтөлбөрийн хүрээнд казино сонирхсон гэж байгаа. Олон нийтийн бухимдлыг төрүүлсэн уг үйлдэл УИХ-ын гишүүдийн ёс зүйн дүрэмд ч харш юм. Тиймээс засгийн газраас төрийн болоод улстөрийн албан тушаалтнууд казино тоглохыг хориглох хуулийн төслийг өргөн бариад байгаа.

УИХ-ын гишүүн Н.Номтойбаярын бүрэн эрхийг түдгэлзүүлэх асуудлыг Улсын ерөнхий прокурор их хуралд хүргүүлээд байгаа. Энэ асуудлыг УИХ-ын гишүүний халдашгүй байдлын дэд хороо авч хэлэлцэн шийдвэрлэх учиртай. Харин дэд хорооны нэг гишүүд гадаадад томилолттой байгаа тул өнөөдрийг хүртэл хуралдаагүй байгаа юм. Тэгвэл гишүүн Н.Номтойбаярт холбогдох асуудлыг энэ долоо хоногтоо багтаан шийднэ гэж халдашгүй байдлын дэд хорооны дарга хэллээ.

Газар хөдлөлтийн гамшгаас урьдчилан сэргийлэх байнгын ажиллагаатай зөвлөлийн хуралдаан боллоо. Өнгөрсөн онд Монгол Улсын нутаг дэвсгэр болон хил орчмын бүс нутагт 45757 удаа газар хөдөлсөн байна. Магнитуд нь 3.5, түүнээс дээш хүчтэй газар хөдлөлт 66 удаа болсноос 20 нь иргэдэд мэдрэгджээ. Улаанбаатар хот орчимд 1010 газар хөдлөлт болсон бөгөөд Эмээлт, Хустай, Авдар, Шархай, Гүнжийн хагарлын дагуу идэвхжилт явагдаж байна. Улаанбаатар хот орчимд 2005 он хүртэл жилд дунджаар 200 орчим удаа газар хөдөлдөг байсан бол 2005 оноос 2-3 дахин, 2012 онд дөрөв дахин, 2013 онд 10 дахин их болж өсчээ.  

Газар хөдлөлтийн гамшгаас урьдчилан сэргийлэх байнгын ажиллагаатай зөвлөл 2019 онд эрх зүйн орчныг бүрдүүлэх, гамшгаас урьдчилан сэргийлэх үндэсний чадавхийг бэхжүүлэх, гамшгаас хамгаалах бэлэн байдлыг хангах, боловсон хүчин бэлтгэх, иргэд, олон нийтийг дадлагажуулах чиглэлээр 53 арга хэмжээ хэрэгжүүлэхээр төлөвлөсөн нь 70 гаруй хувийн биелэлттэй байна. Энэ онд үлдсэнийг нь бүрэн хэрэгжүүлэхээс гадна газар хөдлөлт бүртгэх, аврах, гал унтраах тусгай зориулалтын техник, тоног төхөөрөмж, багаж хэрэгслийг шууд худалдан авах, гааль, нэмэгдсэн өртгийн албан татвараас чөлөөлөх, төв, орон нутгийн жилийн төсвийн тодорхой хувийг гамшгаас сэргийлэх, эрсдэлийг бууруулах, бэлэн байдлыг хангахад зарцуулах зэрэг зорилгоор холбогдох хуулиудад нэмэлт, өөрчлөлт оруулах санал боловсруулахаар боллоо.

Шаардлага хангахгүй нийтийн зориулалттай орон сууцыг буулгаж, шинээр барихад шаардагдах хөрөнгийг төсөвт тусгах, эм, эмийн хэрэгслийн нөөц агуулах барих, хүнсний болон хүнсний бус бараа, материал, цус, цусан бүтээгдэхүүний нөөцийг нэмэх, сургууль, цэцэрлэгийг гамшиг, ослын үед хэрэглэх тоног төхөөрөмжөөр хангах, хэд хэдэн аймагт команд-штабын болон иж бүрэн сургууль хийх зэрэг 40 арга хэмжээ авахаар төлөвлөв.

Хуралдааны эцэст Монгол Улсын Шадар сайд, Газар хөдлөлтийн гамшгаас урьдчилан сэргийлэх байнгын ажиллагаатай зөвлөлийн дарга Ө.Энхтүвшин:

-  Гамшгийн аюулын зарлан мэдээлэх дохиогоор ажиллах дадлага, сургууль зохион байгуулах

-  Гамшгийн аюулаас амжиж анхааруулах системийн тоог 20-иор нэмэх тооцоо, судалгаа, хөрөнгийн талаар танилцуулах

-  Ашиглалтын шаардлага хангахгүй барилга, байгууламжийг буулгаж шинээр барих ажлыг явцыг салбар бүрээр гаргах, буулгах хөрөнгийг 2021 оны төсөвт суулгах зэргийг үүрэг болгов. Зөвлөл зургаадугаар сард дахин хуралдана гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Архив...

Намууд

Улсын их хурал дахь Шинэ намын зөвлөл өнөөдөр /2020.01.20/ гурван асуудлаар хуралдсан байна. Тэд орон нутгийн сонгуулийн хуульд өөрсдийн саналаа хүргүүллээ. Орон нутаг бол иргэдтэй хамгийн ойр ажиллах нэгж. Тийм учраас сонгуульд намуудыг оролцуулахгүй байх санал гаргасан байна. Ингэснээр улстөржилтөөс холдоно гэж үзжээ.

Дархан-Уул аймаг дахь цагдаагийн газар нь телехяналтын камерын ашиглалт, хяналтыг дээшлүүлж, гэмт хэрэг, зөрчлийн илрүүлэлтийг сайжруулах зорилгоор англи хэл, компьютерийн мэдлэгтэй, хөдөлгөөний бэрхшээлтэй хоёр иргэнийг камерын оператороор олон нийтийн цагдаагийн сул орон тоонд ажиллуулж байна.

Цахилгаан автобус үйлчилгээнд нэвтрэхэд бэлэн болжээ. Эхний ээлжинд туршилтаар 10 автобус явах юм. Эдийн засагт хэмнэлттэй, агаарын бохирдлыг бууруулахад чухал ач холбогдолтойг албаныхан ярьж байна.

Малчид, иргэдэд зориулсан мэдээ: Өнөө маргаашдаа баруун болон төвийн аймгуудын нутгийн хойд хэсгээр цас орж, явган шуурга шуурна. 

Урьдчилан сэргийлэх хяналт шалгалтын явцад хадгалалтын горим зөрчиж хадгалсан 150 ширхэг   бялууг байгууллагын дотоод хяналтаар нь устгуулах арга хэмжээ авч  илэрсэн зөрчилд Зөрчлийн тухай хуулийн 11.2 дугаар зүйлийн 2.1 дэх заалтаар шийтгэл ногдуулан, хялбаршуусан журмаар шалган шийдвэрлэх ажиллагаа явуулж, албан даалгавраар зөрчлийг арилгуулах арга хэмжээ авч ажиллалаа.

Хотын Захирагч С.Амарсайханы санаачилгаар 2019 оны 11 дүгээр сарын 15-ны өдрөөс эхлэн “Сургуулийн автобус”-ны төсөл хэрэгжиж эхэлсэн. Нийслэлийн ерөнхий боловсролын их тойрууд байршилтай 17 сургуульд 26 автобус, хотын захын 12 сургуульд 14 сургуулийн автобус сурагчдад үйлчилж байна.

Иргэдийн эрүүл аюулгүй орчинд амьдрах эрхийг хангах зорилгоор нэг удаа үнэ төлбөргүй олгох угаарын хий мэдрэгч, түүнийг хэрэглэх гарын авлага тараах ажлуудтай холбогдуулан Нийслэлийн Агаар орчны бохирдол хариуцсан төслүүдийн удирдагч Д.Мөнхжаргал мэдээлэл өглөө.  Угаарын хий мэдрэгчийг түгээх ажил дүүргүүдэд явагдаж нийт 18186 айл өрхүүдэд суурилуулж,  90 хувийн гүйцэтгэлтэй байна.

Манай урд хөршид дэгдээд байгаа үл мэдэгдэх коронавирусын халдварын хүрээ тэлэн, хамгийн сүүлийн мэдээгээр халдвар авсан хүний тоо 200 давж, 3 хүн вирусын халдварын улмаас амиа алдаад байна. Түүнчлэн Хятадын эмч мэргэжилтнүүд үл мэдэгдэх вирус нь агаар дуслаар хүнээс хүнд дамжин халдварлаж байгааг тогтоожээ. 

Их Британийн ханхүү Харри түүний гэр бүл ямар учраас хатан хааны гэр бүлийн хэргэм зэрэг, язгууртны эрх ямбаас татгалзаж, санхүүгийн хувьд бие даан тусдаа амьдрах шийдвэр гаргасан тухайгаа тайлбар мэдэгдэл хийжээ. Ханхүү Харри Sentabale хүмүүнлэгийн байгууллагын уулзалтад оролцох үеэрээ индэр дээр хийсэн мэдэгдэлдээ энэ талаар хөндөн ярьж, хэдийгээр түүнд ийм шийдвэр гаргахад хүнд байсан ч өөр сонголт байгаагүй гэж тайлбарласан байна. 

Украины ерөнхийлөгч Владимир Зеленский болон Украины засгийн газрын гишүүд, жирийн иргэд Бориспольд газардсан тусгай үүргийн онгоцыг угтан авчээ. Энэ онгоцоор Иранд осолдсон Украины иргэний агаарын тээврийн компанийн Боинг онгоцны багийн 9 гишүүн, хоёр зорчигчийн цогцсыг эх оронд нь авчирсан байна. 

Малайз улс дэлхийн хогийн цэг болохыг хүсэхгүй байна. Энэ талаар Малайзын байгаль орчны сайд Йео Би Инь мэдэгдэж, улс оронд нь хууль бусаар хуванцар хог хаягдал их хэмжээгээр оруулж, гаднаас хог хаягдлаа устгалд оруулахаар илгээж байгааг эсэргүүцжээ. 

БНСУ-ын Сангийн сайд Хонг Нам Ки энэ онд улсынх нь засгийн газар ОХУ болон Монгол улстай эдийн засгийн хамтын ажиллагаагаа тэлэх хүсэлтэй байгаа талаар мэдэгджээ. Түүний мэдэгдсэнээр Сөүлийн эрх баригчид Солонгосын хойгийн бүс нутгаас хойд хэсэгт байрлах улс орнуудтай эдийн засаг, хөрөнгө оруулалтын салбарын харилцаа, хамтын ажиллагаагаа тэлэх бодлого баримталж байгаа гэнэ.

Монгол улс ОХУ-ын Волгоград хотноо байрлах Сарай-Берке гэх газарт байгаа Алтын ордын туурийг сэргээх хүсэлтэй байна. Энэ дагуу орон нутгийн удирдлагуудтай нь хэлэлцэн тохирч, задгай музей байгуулахаар болжээ.

Топ мэдээнүүд

Grid List

Өнөөдөр ЭМЯ болон Глобал сан бусад иргэний нийгмийн байгууллагын төлөөллүүд 2021-2023 онд хэрэгжүүлэх бэлгийн замын халдвараас сэргийлэх төсөл боловсруулах ажлын хүрээнд уулзаж зөвлөлдлөө. Зөвлөгөөний үеэр ирэх жилүүдэд хэрэгжүүлэх төслийн чиглэлийг тодорхойлох, өргөн барих төслийн эхийг салбар дотроо хэлэлцүүлсэн байна.

Дэлгэрэнгүй ...