Топ мэдээнүүд

Бамбай булчирхайн өвчлөл сүүлийн жилүүдэд нэмэгдэх болжээ. Жилд дунджаар 500 гаруй бамбай булчирхайн мэс засал төлөвлөгддөг бөгөөд үүний 250-300 орчмыг нь Улсын нэгдүгээр төв эмнэлэгт хийдэг байна. Тиймээс хагалгааны дийлэнхийг хийдэг Нэгдүгээр төв эмнэлэг шинэ технологи нэвтрүүлжээ.

Дэлгэрэнгүй ...

Мэргэжлийн байгууллагад хачигт хазуулсан гэх дуудлага сүүлийн өдрүүдэд их иржээ. Хэрэв хүн хачигт хазуулж хүндэрвэл мэдрэлийн систем гэмтэж, цаашлаад унаж татах өвчтэй болдог. Иймд хачигт халдвараас урьдчилан сэргийлж, вакцин хийлгэхийг Эрүүл мэндийн байгууллагаас зөвлөж байна.

Дэлгэрэнгүй ...

Эрүүл мэндийн байгууллагуудад Коронавируст халдварын эрсдлээс урьдчилан сэргийлэх, бэлэн байдлыг хангах үүднээс нэн шаардлагатай тоног төхөөрөмжүүдийг нийлүүлсээр байна. Өмнө нь ХӨСҮТ, УНТЭ, УХТЭ зэрэг гуравдугаар шатлалын болон зарим аймгийн нэгдсэн эмнэлгүүдэд амьсгалын аппарат, хүчилтөрөгч өтгөрүүлэгч тоног төхөөрөмжийг өгсөн. Харин энэ удаад 21 аймгийн нэгдсэн эмнэлэг, бүсийн оношилгоо, эмчилгээний төвүүдэд зургаан нэр төрлийн тоног төхөөрөмж өглөө.

Дэлгэрэнгүй ...

Өнөөдөр Дэлхийн эмч нарын баярын өдөр. Цагаан нөмрөгтнүүд өнөөдөр баяр гэхээсээ илүү хүн төрөлхтөнг аймшигт халдвараас хамгаалах ажилд цаг наргүй зүтгэцгээж байна. Иргэдийн эрүүл мэндийг хамгаалах их ажил амжуулж буй эмч нарын нэг өдрийг ажлыг сурвалжиллаа. Халдварт тахалтай тэмцэж буй Халдвар өвчин судлалын үндэсний төвийн халдвар судлаач эмч С.Алтанчимэгийг онцоллоо. Тэрээр Коронавирусийн халдвартай хүмүүсийн ойрын хавьтлыг олж илрүүлэх чухал үүргийг гүйцэтгэж байгаа юм.

Дэлгэрэнгүй ...

Эмч нарын баярын өдөр найман эмч зөвлөх зэргийн гэрчилгээ гардлаа. Өргөсөн тангарагтаа үнэнчээр ажиллаж, амжилттай мэргэжил дээшлүүлж чадсан эрхмүүдэд энэ гэрчилгээг гардуулдаг дүрэмтэй юм. Манай улсад өнөөдрийн байдлаар 260 гаруй зөвлөх зэргийн эмч ажиллаж байна.

Дэлгэрэнгүй ...

ММСУХ "Морьтны хийморь" аяныг 3-р сарын 6-наас 25-ны хооронд зохион байгуулжээ. Аяны хүрээнд цугларсан 120 сая төгрөгийг Эрүүл мэндийн яаманд хандивлалаа. Мөн Монголын эрүүл мэндийн ажилтны үйлдвэрчний эвлэлийн холбооноос 14.3 сая төгрөг, 10 мянган ширхэг амны хаалт, 10 мянган ширхэг хос бээлийг өнөөдөр хандивлалаа.

Дэлгэрэнгүй ...

Өнөөдөр БСШУС-ын сайд Ё. Баатарбилэг Монгол-Японы хамтарсан сургалтын эмнэлгийн үйл ажиллагаатай танилцлаа. Тус эмнэлэг ЭМЯ-ны харьяанд байсныг БСШУСЯ-ны харьяа болгосон байдаг. Тус эмнэлэг өнгөрсөн 10 дугаар сард үйл ажиллагаагаа эхлүүлсэн ч сар бүр санхүүгийн алдагдалтай ажиллаж иржээ. Өнөөдрийн байдлаар тус эмнэлэг иргэдэд зөвхөн амбулаторийн үзлэг хийж байна. Хэрвээ тоног төхөөрөмж хангалттай бол жилд 3000 гаруй удаагийн мэс засал бүрэн хүчин чадалтай юм байна. Харин өнөөдөр Боловсролын сайд энд ажилласнаар тус эмнэлгийн үйл ажиллагааг цаашид хэвийн явуулах болсныг мэдэгдлээ. Санхүүгийн алдагдал, тоног төхөөрөмжийн хангалтыг бүрэн шийдвэрлэхээр боллоо.

Дэлгэрэнгүй ...

11 цагийн албан ёсны мэдээллээр манай улсад коронавирусийн халдвартай зургаан тохиолдол бүртгэгдээд байна. Берлин-Улаанбаатар чиглэлийн нислэгээр ирсэн нэг хүнээс дахин илэрчээ. Энэ хүний биеийн байдал хүнд байгааг Эрүүл мэндийн яамнаас мэдээллээ. Мөн энэ онгоцоор ирсэн нэг хүнд түргэвчилсэн оношлуураар хийсэн хариу эерэг гарсан. Харин баталгаажуулах шинжилгээний дүн гараагүй байгааг хэллээ. 

Дэлгэрэнгүй ...

Манай улсад бүртгэгдсэн коронавирусийн анхны тохиолдол Франц улсын иргэний биеийн байдал сайн байна. Түүний ойрын хавьтал байж болох хүмүүст давтан шинжилгээ хийж дууссаныг Халдварт өвчин судлалын үндэсний төвөөс мэдээллээ. Давтан шинжилгээгээр бүх хүний хариу сөрөг буюу коронавирусийн халдваргүй болох нь тогтоогдсон байна. Мөн Баян-Өлгий аймаг болон бусад газруудад тусгаарлагдсан сэжигтэй тохиолдолууд ч сөрөг гарчээ. 

Дэлгэрэнгүй ...

Бүгд Найрамдах Солонгос Улсаас ирсэн хоёр иргэн, Франц улсад зорчсон нэг хүнээс коронавирусийн халдвар илрээд байна. Эрсдэлтэй бүс нутгаас ирж байгаа  учраас урьдчилан сэргийлэх бэлтгэлийг сайтар хангасан байсныг Эрүүл мэндийн яамнаас мэдээллээ. Халдвартай иргэд болон ойрын хавьтал байж болох бүхий л хүмүүсийг тусгаарлан шинжилгээнд хамруулж эхэлснийг онцолж байна. 

Дэлгэрэнгүй ...

Тусгай үүргийн онгоцоор ирсэн гурван зорчигчоос Ковид-19 илэрсэн. БНСУ-аас ирсэн хоёр зорчигчийн хувьд эрүүл мэндийн байгууллагаар үйлчлүүлж байсан байна. Иргэдийг тусгай үүргийн онгоцоор авчрахдаа амны хаалт зүүх, бусадтай ярилцахгүй байхыг сануулсан. Мөн эрүүл мэндийн байгууллагын ажилтнууд зорчигчдын биеийн байдлыг хянаж явсан. Иймд тархвар судлалын эрсдэлд бага гэдгийг Эрүүл мэндийн яамнаас мэдээллээ.

Дэлгэрэнгүй ...

Ковид-19 өвчнөөс урьдчилан сэргийлэх гол ажлуудын нэг нь иргэдийг мэдээ мэдээллээр хангах. Тийм учраас үнэн зөв, баталгаатай мэдээлэл иргэдэд хүргэхийн тулд 119 дугаарын утас ажиллаж эхэлсэн. Энэ дугаарт үнэ төлбөргүй холбогдож эрүүл мэндээ хамгаалах зөвлөгөө, өвчний сүүлийн үеийн нөхцөл байдал болон бусад мэдээллийг авч болох юм. Иргэдийг мэдээллээр хангахаар 24 цаг ажиллаж байна. 

Дэлгэрэнгүй ...

Ковид-19 цар тахал дэлхий нийтийг түгшээсэн хэвээр байна. Улс орнууд нислэгээ цуцалж, бүх нийтийн хөл хорио тогтоож, онц байдлыг дээд түвшинд зарлаж эхэллээ. Ялангуяа Европ тив, тэр дундаа Итали, Испани, Франц улсууд өвчний голомт болон хувирч байна. Эдгээр улсуудад өдөрт дунджаар 90-170 хүн нас барж байгаа нь байдал улам хүндэрч байгааг харуулсаар байгаа юм. Өнөөдрийн 11 цагийн албан ёсны мэдээллээр дэлхийн 150 улсад өвчин бүртгэгдэж 24 цагийн дотор нас барсан хүний тоо 343-өөр нэмэгдлээ. Ингэснээр дэлхий дахинд коронавирусийн улмаас амиа алдсан хүний тоо 50,735 болж байна. Одоо үзэгч танд дэлхийн нийтийн нөхцөл байдлаас мэдээлэл хүргэе. 

Дэлгэрэнгүй ...

Манай улсад коронавирусийн анхны тохиолдол Франц улсын иргэнээс илэрсэн. Түүнийг Халдвар өвчин судлалын үндэсний төвд тусгаарлан хянаж байна. Франц улсын иргэнд монголчууд хурдан эдгэхийг ерөөж, сэтгэлийн дэмжлэг өгч эхэлжээ. Аль хэдийн Монгол нэртэй болсон түүнд өдөр бүр эдгэрэхийг хүссэн захидал, мессеж хаяглагдах болсон байна.  Өнөөдөр ч халдвартай иргэнд шар тос, ил захидал илгээснийг хүргүүллээ.  

Дэлгэрэнгүй ...

Баян-Өлгий аймгийн Цагаан нуур боомтоор Монгол улсын иргэн халуурсан шинж тэмдэгтэй хил нэвтэрсэн. Аймгийн онцгой комисс энэ хүнийг яаралтай тусгаарлаж, аймгаас орж гарах хөдөлгөөнийг хориглоод байна. Сэжигтэй нэг тохиолдлын шинжилгээний сорьц Улаанбаатар хот руу хөдөлсөн. Ирсэн даруйд коронавирусийн халдвартай эсэхийг тогтооно гэдгийг Халдварт өвчин судлалын үндэсний төвийн захирал Д.Нямхүү хэллээ. 

Дэлгэрэнгүй ...

/www.tidychoice.com

Эрүүл мэнд

ЦЭВЭРЛЭГЭЭ, ХАЛДВАРГҮЙЖҮҮЛЭЛТ ХЭРХЭН ХИЙХ ВЭ?

Дэлгэрэнгүй ...

Европын Улсуудад гэрээс гарахгүй байх бусад хөл хорионудыг хэрэгжүүлж эхэлсэн.

Дэлгэрэнгүй ...

Франц иргэнтэй хамгийн ойр байж ажилласан, харьцсан бүх иргэдийг шинжлэхэд халдвар илрээгүй байна.

Дэлгэрэнгүй ...

Манай улсад коронавирусийн анхны тохиолдол Франц улсын иргэнээс илэрсэн. Түүний явсан газруудыг ариутгаж, уулзсан хүмүүсийг олж тогтоон шинжилгээнд хамруулаад байна. Нийтдээ 414 хүнийг сэжигтэй гэж үзсэн бол сүүлийн 8 хүний шинжилгээний хариу сөрөг буюу халдваргүй болох нь тогтоогдлоо. Харин Франц улсын иргэний биеийн байдал хэвийн, сэтгэл санаа тогтворжсон гэдгийг Эрүүл мэндийн яамнаас мэдээллээ.

Дэлгэрэнгүй ...

Бүгд Найрамдах Солонгос Улсад Монголын хоёр иргэн коронавирусийн халдвар авсан гэдэг мэдээлэл сошиал орчинд тархсан. Мөн Солонгосын хэвлэлүүд ч энэ талаар бичсэн байна. Тэгвэл хоёр биш нэг хүний асуудал байгааг Гадаад харилцааны яамнаас мэдээллээ. Тэгү хотод амьдарч байсан 28 настай иргэнээс коронавирусын халдвар хөнгөн байдлаар илэрч, эмчилгээ хийжээ. 14 хоногийн дараа дахин шинжилгээ авахад сөрөг буюу халдвар бүрэн эдгэрснийг тогтоосон байна.

Дэлгэрэнгүй ...

БНСУ-ын Дэгү хотод амьдардаг 28 настай Б коронавирусийн халдвартай болох нь тогтоогдсон байна. Тухайн өдрөө буюу 2-р сарын 23-нд дүүргийн эмнэлэгт шинжилгээ өгөхөд халдвар хөнгөн байсан учраас эмчилгээ хийж, гэртээ тусгаарлагдах зөвлөгөөг эмч нар өгчээ. Ингээд 14 хоногийн дараа давтан шинжилгээ хоёр удаа өгөхөд сөрөг буюу халдваргүй гарсан байна. Одоо манай улсын иргэний биеийн байдал хэвийн, тусгаарлагдах шаардлагагүй, бүрэн эдгэрчээ.

Дэлгэрэнгүй ...

Коронавирус өвчний халдвар дэлхийн бүх тивд бүртгэгдлээ. Өнөөдрийн байдлаар 122 улсад бүртгэгдээд байна. Бүгд Найрамдах Хятад Ард Улсын хувьд өвчний оргил үе дууссан гэдгээ зарласан бол Европ тивд байдал улам хүндэрсээр байгаа юм. Итали улсын зарим муж эдгэрэх боломжтой иргэдэд түрүүлж тусламж хүргэнэ гэдгээ мэдэгдсэн бол Бүгд Найрамдах Солонгос Улс Италид зорчиж байгаа иргэдээ авахгүй гэдгээ мэдэгдсэн байна. Дэлхийн нийтэд Ковид-19 өвчний нөхцөл байдал ямар байгааг хүргэе.

Дэлгэрэнгүй ...

Ирэх долоо хоногоос дулаарна. Коронавирус дулаанд тэсвэртэй учраас өвчин тархах магадлал улам нэмэгдэнэ гэж зарим эмч мэргэжилтнүүд сошиал орчинд бичжээ. Гэхдээ энэ бол таамаг төдий зүйл гэдгийг Эрүүл мэндийн яамнаас мэдээлж байна. Өнөөдрийн байдлаар шинжлэх ухаан энэ талаар ямар нэг тайлбар гаргаагүй байгаагаас гадна, бүрэн тодорхойлоогүй байгааг онцоллоо.

Дэлгэрэнгүй ...

Франц улсын иргэнээс коронавирусын халдвар илэрсэн. Түүнтэй ойр байсан хүмүүсийг шинжилгээнд хамруулж хариу гарсаар байна. Өнөөдөр нийт 58 иргэнийн хариуг танилцууллаа. Бүгд сөрөг буюу халдваргүй болох нь тогтоогджээ. Мөн сэжигтэй тохиолдол гэж үзэн найман иргэнийг Лхагва гарагт тусгаарлаад байсан. Эдгээр иргэдийн хариу ч коронавирусийн халдваргүй болох нь тогтоогдсон байна. 

Дэлгэрэнгүй ...

Б.Болдсайхан: "Энэ Ням гарагаас + хэм рүү орно. Миний онолоор, хүмүүсийн ген, бие өвлийн программаа сольж, түгжээгээ тайлж, ханиадны вирусын ген оролцоно. Дулаан болох үед дархлаа, бие хямарч амархан ханиад хүрдэг. Энэ үед Ковид тусах эрсдэл өндөр болно."

Дэлгэрэнгүй ...

Коронавирус өвчний халдвар дэлхий дахинд тархлаа. Зарим улс оронд гадны иргэдийг ялгаварлан гадуурхах, доромжлох, биед нь халдах зэрэг үйлдлүүд гарсаар байна. Гадаад улсад амьдарч байгаа монгол хүмүүст ч ийм зүйл тохиолдсон талаар сошиал орчинд бичжээ. Хүн төрөлхтөн энэ өвчний эсрэг олигтой зүйл хийж чадахгүй байгаа нь хүмүүсийн сэтгэл санаанд нөлөөлж байгаагийн эхний шинж тэмдэг гэдгийг сэтгэл зүйчид хэлж байна. Ийм эгзэгтэй цаг үед айж сандралгүй тайван байж, эв нэгдэлтэй байх нь хамгийн чухал гэдгийг мэргэжилтнүүд санууллаа.

Дэлгэрэнгүй ...

ДЭМБ өнөөдрийг хүртэл COVID-19-ийг халдварт өвчин гэж нэрлэж байсан бол өнөөдрөөс эхлэн албан ёсоор цар тахал болгон дэлхий нийтээр аюулын харанга дэлдлээ. Тэгвэл пандеми буюу цар тахал гэж юу вэ? Энэ нь тив, улс орон дамнасан өргөн хүрээний нутаг дэвсгэрийг хамрах халдварт өвчнийг нэрлэдэг олон улсын нэршил юм. Пандеми буюу цар тахал гэх үг нь грек хэлнээс пан-буюу бүгд, бүх гэсэн утга, мөн demos-буюу хүн гэсэн үгсийн нийлбэр юм. 

Дэлгэрэнгүй ...

ДЭМБ, дэлхийн улс орнуудад хурдацтай тархан дэгдэж, өнөөдөр дэлхийн бүх тив, ихэнх улс орнуудыг хамраад байгаа COVID-19 шинэ коронавирусыг “пандеми” буюу цар тахал гэж мэдэгдлээ. ДЭМБ-аас хийсэн албаны мэдэгдэлд “Өмнө нь бид хэзээ ч коронавирусаас гаралтай цар тахлын хэмжээнд очих вирусын халдварт өвчинтэй нүүр тулгарч байгаагүй. Өнөөдөр коронавирусээс үүдэлтэй COVID-19 халдварт өвчин цар тахлын хэмжээнд очиж байгааг илтгэж байгаа гол үзүүлэлт нь хамарч байгаа цар хүрээ болоод вирусын халдвар авсан тохиолдолд оногдож байгаа нас баралтын хувь хэмжээ болоод байна” гэдгийг онцолсон байна.

Дэлгэрэнгүй ...