Манай улс эрчим хүчний хэрэглээнийхээ 20 хувийг 2 хөршөөсөө хангадаг. Оросоос авдаг эрчим хүчийг Галуут нуурын цахилгаан станцаас хангадаг ч, өчигдөр 14 цаг 40 минутад гал гарснаар эрчим хүчний системд хүндрэл үүссэн. Хэдийгээр даваад гарсан ч, цаашид яаж хараат бус эрчим хүчтэй болох вэ? 

Боловсрол, шинжлэх ухааны сайдын  А/38 дугаар тушаалаар Ерөнхий боловсролын сургуулийн  2021-2022 оны хичээлийн жилийн II, III дугаар улирал буюу хоёрдугаар хагас жилийн эхлэх, дуусах хугацааг тогтоосон.

Супермаркет хөнгөлөлтийн карт олгохдоо, ажилтан цагаа бүртгүүлэхдээ, банкинд данс нээлгэхэд хүртэл иргэдийн хурууны хээг дураараа бүртгэж байсан. Тэгвэл сүүлийн хуулиар энэ бүгдийг байхгүй болгож, тэднийг цуцлуулсан дата санг устгах ажил ид өрнөж байна.

26 сарын турш хаалттай байсан агаарын замаа Хятадын тал Хүүхдийн баярын өдрөөс эхлэн нээх мэдэгдлийг ирүүлжээ. Хятад нисэх зорчигчид халдваргүй, вакцинтай байх гэхчлэн шаардлагуудыг хангасан байхад нислэг тогтмолжих юм байна.

УИХ “Нийтээр тэмдэглэх болон тэмдэглэлт өдрүүдийн тухай” хуульд өөрчлөлт оруулан Бурхан багшийн мэндэлсэн "Их дүйчэн" өдөр буюу зуны тэргүүн сарын шинийн 15-ны өдрийг амралтын өдөр болгон (2019 оны 12 дугаар сарын 23-ны өдөр хууль батлав) өөрчилсөн.