Ливерпулийн алдарт дөрвөлийн нэг болох, Биттлз хамтлагийн ахлагч Жон Ленноны өмнө нь олон нийтэд хүрч байгаагүй дууны бичлэгтэй кассетийг Данид дуудлагаар худалджээ.
Жон Леннон болон Йоко Оно нарын 1970-аад оны эхэн үед бичүүлсэн аудио-кассетыг дуудлага худалдаагаар оруулан 58,3 мянган долларын үнэ хүргэн зарсан байна.
Жон Леннон, Йоко Оно нар энэхүү кассетыг 1970 оны 1-р сарын 5-нд Ютландын Тси гэх газарт өвөлжиж байхдаа бичүүлжээ.
Данийн 16 настай 4 өсвөр насны хүү сургуулийнхаа ханын сонинд зориулан материал бэлтгэх үедээ Леннон, Оно нараас ярилцлага авч, энэ үеэр Леннон урьд нь хүнд сонсгож байгаагүй 2 дуу дуулсныг хүүхдүүд бичиж авсан байна.
Тэдний нэг дуу олонд хүрсэн ч “Radio Peace” нэртэй дууг өнөөдрийг хүртэл хэн ч мэддэггүй байжээ. Оно, Леннон нарын сурагчдад өгсөн ярилцлага, дууны 33 минутын аудио бичлэгийг бараг хагас зуун жилийн дараа дуудлагаар оруулан зарахаар шийджээ. Дуудлага худалдаагаар аудио-кассетыг худалдан авсан эзний нэрийг одоогоор нууцалж байгаа ч Данийг орхижээ.