Францад зохион байгуулалттай гэмт хэргийн бүлэглэлүүд үнэтэй дарс хулгайлан, мөнгө угаах явдал их гарах болжээ.
Францын дарсны эх оронд тооцогддог Бордо мужид л гэхэд сүүлийн 3 жилийн хугацаанд бараг 5 сая еврогийн тансаг зэрэглэлийн дарс хулгайд алдагджээ.
Бордо мужид дарсны дэлгүүр, агуулах хулгай дээрэмд өртөх болжээ. Хамгийн сүүлд 2020 оны 9-р сард маш томоохон хэмжээний хулгай гарч, нийтдээ бараг сая евро хүрэх 278 хайрцаг үнэтэй, тансаг зэрэглэлийн дарс алдагджээ.
Улмаар хулгайн дарсыг зах зээлийн үнээс 20%-ийн бага үнээр цааш зарж, Хонконг руу худалдсан байна. Францын хууль сахиулагчид зохион байгуулалттай гэмт хэргийнхэн алт, үнэт эдлэл, урлагийн зүйлс зэргийг ангуучлахын оронд дарсны худалдаа наймаанд анхаарах болжээ.