Нийгэм

Монгол Улсын ачааны эргэлтийн 70 орчим хувийг дангаараа эзэлдэг Улаанбаатар төмөр замын тээврийн хэмжээ хурдацтай өсөн нэмэгдэж ачааллаа дийлэхгүйд хүрчээ. Тиймээс парк шинэчлэл хийх, хилийн гарцыг нэмэгдүүлэх, зүтгүүрийн вагоны аж ахуйг хөгжүүлэх, сайжруулах зайлшгүй шаардлага тулгарч байгааг энэ байгууллагын удирдлагууд хэлж байна.

Ковид-19 цар тахал гарснаар нийгэм, эдийн засаг хямарч, тээвэр зуучлал аялал жуулчлал зэрэг салбарын үйл ажиллагаа зогсонги байдалд орсон. УБТЗ-ын тээвэр зуучлал логистикийн үйлчилгээ эхний 2 сарын хугацаанд алдагдалтай байсан ч олон нийтийн хэрэгцээ шаардлагын дагуу буцаж сэргэх хандлагатай байгааг хэлж байна. Тухайлбал,  3-р сараас тээвэрлэлт сэргэж эхний улирлын байдлаар 7.1 сая тонн ачаа тээвэрлэжээ. Энэ нь өмнөх оны мөн үетэй харьцуулахад 10 хувиар өссөн үзүүлэлттэй гарсан байна.

Дэлхийн банкнаас 2 жил тутамд гаргадаг "Логистикийн гүйцэтгэлийн индексийн судалгаа"-ны тайланд 167 орон хамрагдахад Монгол Улс 129-т оржээ. Энэхүү судалгаанд гааль, дэд бүтэц, олон улсын тээвэр, боомтуудын өрсөлдөх чадвар, тээвэрлэлтийн мэдээлэл, цаг хугацаа зэргийг гол үзүүлэлт болгодог байна. Тиймээс

"Манайд байгаа тус тусдаа үйл ажиллагааг нэгтгэн оновчтой зохион байгуулж чадвал эцсийн дүндээ хэрэглэгчдийн зардлыг хэмнэх, логистикийн үзүүлэлтийн индекс өсөх, дэлхийд өрсөлдөх боломж илүү нэмэгдэх боломжтой

гэдгийг хэлж байна.

Цар тахал гарч үйл ажиллагаа нь доголдсон ч Монгол, Хятадын төмөр замчдын хамтын ажиллагааны хүрээнд БНХАУ-ын Тяньжин боомтоос шилжүүлэн ачилт хийхгүйгээр шууд УБ хүрэх галт тэргийг амжилттай туршин хэрэгжүүлэхээр болсон байна. Ингэснээр УБТЗ-ын транзит тээврийн хэмжээг нэмэгдүүлэхэд үнэтэй хувь нэмэр болж байгааг онцолсон юм.