Үйл явдал

Жорж Флойд хэмээх Африк гаралтай залуугийн нас барсан шалтгааны улмаас АНУ, дэлхийн зарим орныг хамарсан жагсаал цуглаан өрнөсөөр ерөнхийдөө нөхцөл байдал намжиж эхэлж байна. Үүнтэй холбогдуулан Нью Йорк хотод сайн дурынхан жагсаал цуглаанд замбараагүй болсон хотын гудамжуудаа цэвэрлэж байна.

Хэдийгээр эмх замбараагүй байдал үүссэн ч иргэд энэ бүхнийг эргээд цэвэрлэх ёс суртахуунтай байгааг дэлхийн хэвлэлүүд онцолж эхэллээ. Бусад эмх  замбараагүй байдал үүссэн хотуудад ч бас сайн дурынхан цэвэрлэгээ хийх ажлыг өрнүүлж байгаа юм. Маш олон иргэн хог түүж, бохир болсон хэсгүүдийг цэвэрлэж байна.

Цагдаагийн ажилтан Африк гаралтай Жорж Флойдын амь насанд хүрснээр АНУ-ын 10 гаруй томоохон хотод арьс өнгөний үзлийн эсрэг жагсаал өрнөж байсан нь сүүлдээ эмх замбараагүй байдал үүсгэж дээрэм тонуул ихээр гарсан. Улс орондоо төдийгүй дэлхийн орнуудад арьс өнгө, гарал үүслээр ялгаварлан гадуурхах үзлийн эсрэг тэмцэл өрнөхөд хүргэсэн Жорж Флойдтой Үндэсний баатрын хэмжээнд салах ёс хийж хоёр өдрийн өмнө түүнийг эцсийн замд нь үджээ. Жагсаал цуглаанаас үүдэн онц байдал зарласан байсан Миннесота хотод энэ сарын 10-наас эхлэн онц байдлын цуцлахаар боллоо.