Үйл явдал

Баасан гарагийн өглөө Калифорни мужийн өмнөд хэсэгт “Амазон” компанийн хэрэглэгчдэд бараа хүргэх зорилгоор ашиглагддаг агуулахын барилгад гал гарсан байна. Азаар дотор байсан иргэд гарч ирсэн учраас хэн нэгэн бэртэж гэмтээгүй тухай холбогдох албаныхан мэдээллээ.

Гал гарсан газар нь Лос Анжелес хотоос 100 км орчим зайтай. Галын нөхцөл байдлаас үүдэн ойр орчмын замуудыг хаах арга хэмжээ авсан. Галыг унтраахад амаргүй байсан тухай эх сурвалжид онцолжээ. Галын шалтгаан одоогоор тодорхойгүй байна. Түймэрт өртсөн барилгад том хэмжээний бараа бүтээгдэхүүн хадгалдаг байжээ. Амазоны хэвлэлийн төлөөлөгч

“Бүх хүн аюулгүй байгаа нь хамгийн сайн хэрэг боллоо. Галыг унтраахаар ажилласан албан хаагчдад талархаж байна”

хэмээн мэдээлжээ.