Архив...

Халуун сэдэв

Хөөн хэлэлцэх хугацаа дууссан гэсэн үндэслэлээр хаагдсан 24 хэргийг сэргээн шалгаж эхэлнэ. Энэ хэргүүдийн дотор Жастын Батхүүтэй холбоотой асуудал багтаж байгаа. Стандарт банкинд төлөх ёстой түүний өрийг төлж дуусгасан. Одоо энэ мөнгөө эргүүлэн авах болно гэдгийг Шадар сайд хэллээ.

Гэм буруутай нь шийдэгдээгүй хөөн хэлэлцэх хугацаа нь дууссан гэсэн үндэслэлээр хэрэгсэхгүй болсон нийт 24 авлигын хэргийг дахин шалгаж эхэлнэ. Эдгээр хэргүүдийн дотор олны анхаарлыг татсан хэд хэдэн хэрэг байгаа. Үүний нэг нь Жастын Батхүүтэй холбоотой хэрэг юм. Хуурамч бичиг баримт үйлдэж Эрдэнэт үйлдвэрийг Стандарт банкинд барьцаалж их хэмжээний мөнгийг авсан. Гэвч засгийн газраас түүний тавьсан өрийг төлж барагдуулсан. Харин энэ мөнгийг эргүүлэн авах ажиллагаа явагдаж эхэлнэ гэж Шадар сайд хэллээ.  

Хөөн хэлэлцэх хугацаа нь дууссан гэсэн үндэслэлээр хэрэг хаагдаж, түүний тавьсан өрийг Засгийн газар төлөөд өнгөрөх байсан. Гэсэн ч Эрүүгийн хуульд нэмэлт өөрчлөлт оруулан сэргээн шалгахаар болсон юм.