Эрүүл мэнд

Хөл хорио цээрийн үед гадагш явж олон улсын арга хэмжээнд оролцсон ч түүнийгээ нууцалсан Ремакс компанийн ажилтнуудыг шинжилгээнд хамруулжээ.  Нийт 16 ажилтнаас авсан шинжилгээний хариу сөрөг гарсан байна. Мөн 3 сарын 7-нд ХӨСҮТ-д тусгаарлаад байсан гурван иргэний хариу мөн халдваргүй гэж гарсныг албаныхан мэдээллээ.  

ХӨСҮТ-д 3-р сарын 7-нд тусгаарлагдаж, шинжилгээнд хамрагдсан гурван иргэний шинжилгээний хариу сөрөг гарчээ. Мөн үл хөдлөхийн олон улсын хуралд оролцсон Ремакс компанийн 16 ажилтныг тусгаарлаж, шинжилгээ авсан байна. Шинжилгээний хариу өнөөдөр гарчээ.

Ковид-19-ийн шинэ тохиолдол бүртгэгдсэн улс орнуудын 60 гаруй хувь нь гаднаас зөөвөрлөгдөн орж ирсэн болох нь тогтоогджээ. Өөрөөр хэлбэл эрсдэлтэй улс оронд зорчсон иргэд, халдвар авч улмаар гэр бүлийнхээ хүмүүсийг эрсдэлд оруулж байна. Гэтэл гадны улс оронд зорчсон манай улсын иргэд урьдчилан сэргийлэх үзлэгт орох үеэрээ халдварын тохиолдол бүртгэгдсэн улс оронд зорчсоноо үнэ зөвөөр нь мэдүүлэхгүй байх тохиолдол гарч байна.  Иймд өөрийгөө болон бусдыг эрсдэлд оруулахаас урьдчилан сэргийлж, коронавирусын тохиолдол бүртгэгдсэн улс оронд аялахгүй байх, мөн асуумжид үнэн зөв хариулахыг анхаарууллаа.

Ковид-19 коронавирусийн тохиолдол бүртгэгдсэн улс орноос ирсэн иргэдийг урьдчилан сэргийлэх үзлэгт хамруулж, сэжигтэй тохиолдлыг тусгаарлах арга хэмжээг авч байгаа. Өнөөдрийн байдлаар 500 иргэнийг ажиглалтад авч, тусгаарлаад байна. Харин тухайн иргэд зардлаа өөрсдөө гаргах журамтай. Гэвч тусгаарлалтад байгаа иргэд энэ зардлыг төлөхөөс татгалзах, мөн албаны хүний тавьсан шаардлагыг биелүүлэх байх тохиолдлууд гарсаар байна. 

ФЭЙСБҮҮК ШУУД ҮЗЭХ