Эрүүл мэнд

ЭМЯ цаг үеийн мэдээлэл хийлээ.  Монгол Улсын иргэн 35 настай эрэгтэй БНСУ-д коронавирусын халдвар авсан нь тодорхой болжээ.  Элэгний архаг үрэвсэлтэй байсан тэрээр Намянжү хотын дүүргийн эмнэлгээр үйлчлүүлэх үедээ халдвар авсан байж болзошгүй гэж үзэж байна.  Тиймээс түүнтэй хамт байсан гэр бүлийн хоёр иргэн болон ойрын хавьталд байсан иргэдийг шинжилгээнд хамруулжээ.  Тэдний шинжилгээний хариу сөрөг буюу халдваргүй гэж гарсан байна. 

Дэлхий дахинд коронавирусын халдвар авсан хүний тоо 80 мянгад хүрлээ. Манай улсын иргэдийн хамгийн зорчдог БНСУ-д 4 хоног дотор халдвар эрчимтэй нэмэгдэж, 893-т хүрч 9 хүн нас бараад байна. Манай улсаас  Солонгос улсад эмчилгээ хийлгэх гэж очсон 35 настай эрэгтэй мөн халдварласан тухай мэдээллийг өнөөдөр өглөөний 11 цагт Эрүүл мэндийн яамнаас мэдэгдлээ. Энэ иргэн 2-р сарын 12-ны өдөр Солонгос улс руу эмчилгээ хийлгэхээр явсан. Очсон даруйдаа Намьяанжү хотын өрхийн болон дүүргийн эмнэлгээс эмчилгээ үйлчилгээ авчээ. Ингэж явахдаа халдвар авсан байж магадгүй гэдгийг эрүүл мэндийн асуумж дээр тулгуурлан таамаглаж байгааг хэлж байна. Харин хамт явсан гэр бүлийн хоёр гишүүний хувьд коронавирусын халдвар илрээгүй байна. 35 настай эрэгтэй манай улсын иргэн БНСУ-д тусгаарлагдсан, биеийн байдал нь маш хүнд байгаа гэж байна. 

Харин дээрх мэдээлэлтэй холбоотой халдвар авсан манай улсын иргэн нас барсан гэх мэдээлэл цахим орчинд хөвөрч эхэлсэн. Үүнтэй холбогдуулан Эрүүл мэндийн яамнаас 15:30 цагт дахин шуурхай мэдээлэл хийж, цахим орчинд цацагдаж байгаа тухайн халдвар авсан манай улсын иргэн нас барсан гэх мэдээлэлд Эрүүл мэндийн яам болон Гадаад харилцааны яамны консулын газраас албан ёсны тайлбар өглөө.

Цахим орчноос иргэд нээлттэй, чөлөөтэй мэдээлэл авч болно. Гэхдээ баттай эх сурвалжгүй мэдээллийг иргэд цааш нь түгээж байх хэрэгтэй. Өдөр бүрийн 11 цагт Эрүүл мэндийн яам болон бусад тусгай чиг үүргийн байгууллагууд, Дэлхийн эрүүл мэндийн байгууллага, төрийн байгууллагын төлөөллүүд коронавирусын дэлхийн нөхцөл байдлын мэдээлэл, манай улсад үүсээд байгаа цаг үеийн асуудлаар дор бүр нь эх сурвалжтай мэдээлэл өгч байгаа. Тиймээс иргэд дор бүрнээ ухамсартай байж, худал мэдээллээр иргэдийг төөрөгдүүлэхгүй байхыг санууллаа. Харин дор бүрнээ хариуцлагатай байж, хайртай хүмүүсээ хамгаалахыг уриаллаа. 

ФЭЙСБҮҮК ШУУД ҮЗЭХ