Шар мэдээ

Найруулагч Сэнгэдоржийн бүтээл “Би нар” уран сайхны кино Герман улсын Дресден хотын 24 дэх “Шлингел” олон улсын кино наадмын “Хүүхдийн кино”-ны уралдаант хэсэгт шалгарчээ. Тиймээс уг киноны зохиолч, продюсер хоёр Герман улсыг зорьсон сурагтай.

Энэ киногоор 1990 оноос хойш Монголын нийгэмд болж өрнөсөн үйл явдлууд, техник технологийн хөгжил ялангуяа цахим орчин, компьютер тоглоомын хор хөнөөл бидний хойч үе хүүхэд багачуудад хэрхэн нөлөөлж байгаа, гэр бүл, хүн хоорондын харилцааны үнэ цэнийг харуулахыг зорьсон гэнэ.   Нэр нь хүртэл өвөрмөц утга санаатай уг киноны ерөнхий найруулагчаар Сэнгэдорж, ерөнхий продюсерээр Пүрэвжаргал, продюсер жүжигчин Өөскө буюу Өнөржаргал нар ажиллажээ.  “Би нар” уран сайхны кино нь гурван бүлэгтэй, гурван өөр цаг үеийн амьдралыг харуулах боловч бүлэг бүрийн дүрүүд хоорондоо холбоотой гэдгээрээ тун онцлог бүтээл болсон гэсэн шүү.