Энтертэйнмент

Их Британийн иргэд цар тахлын хөл хорио тогтоосноос хойш хэд хэдэн сайн зуршилтай болсон гэнэ. 2000 насанд хүрэгчдийн дунд явуулсан судалгаагаар гуравны нэгээс илүү нь хөл хорионы үеэр сайн зуршлуудыг олж авч, өөртөө дадал болгосон нь тогтоогджээ.

10 хүн тутмын долоо нь тэдний шинэ дадал сэтгэлзүйг нь аз жаргалтай байхад нөлөөлж байгааг хэлсэн байна. Судлагаанд хамрагдсан хүмүүсийн 65-аас дээш хувь нь өдөр тутамдаа жаргалтай байхыг сурсан байна. Түүнчлэн хооллох тэнцвэрээ олж, гэртээ байхыг эрмэлздэг болсон гэжээ. Японы Якулт пробиотик тарагны компанийн захиалгаар хийсэн судалгаагаар 10 хүн тутмын бараг найм нь эдгээр шинэ дадал зуршлаа амьдралынхаа туршид хадгалсаар байх магадлалтай байгаа нь харагдсан байна. Харин туршилтад хамрагдсан 2,000 хүнии 29 хувь нь байгалтайгаа ойр байхыг эрмэлздэг болжээ. 31 хувь нь гэртээ байж, өөрөө хоол хийн цагийг гэртээ өнгөрүүлэхийг зорьдог болсон байна. 18 хувь нь бясалгал хийн, тайвширч өөртэйгөө ярилцаж, өөрийгөө сонсох дуртай болсон гэнэ.