Энтертэйнмент

АНУ-ын телевизийн шоуны алдарт од Ким Кардашиан цар тахлын энэ үед бүх зүйлийг хэвийн мэтээр мэдрэхийн тулд арал түрээслэн, өөрийн ойр дотны хүмүүстэй төрсөн өдрөө тэмдэглэлээ. Энэ нь түүний 40 насны төрсөн өдөр байсан юм.

Ким өөрийнхөө твиттерээр дамжуулан

“Би ойрын хүмүүсээ хоёр долоо хоногийн тусгаарлалт, эрүүл мэндийн хяналтанд оруулсны дараа тэдэндээ гэнэтийн бэлэг барин, нэг арал дээр бүх зүйл хэвийн байгаа мэтээр сайхан мөчийг өнгөрөөж байна”

гэжээ.

“Бид бүжиглэж, дугуй унаж, халимны ойролцоо сэлж, завиар сэлэлт хийж, далайн эрэг дээр кино үзлээ. Ихэнх хүмүүсийн хувьд энэ нь одоогоор хийх боломжгүй зүйл гэдгийг би ойлгож байгаа тул яг энэ мөчид миний амьдрал ямар их давуу талтай болохыг дарууханаар бахархан байна”

хэмээн бичээд хөгжилдсөн үеийн зургуудаа хуваалцсан байна. Харин зарим хүмүүс түүний энэ нийтлэлийг шүүмжлэн

“Хүмүүсээс тусгаарлалтад орохыг хүсчихээд энэхүү аялал нь  яаж гэнэтийн зүйл болж байгаа юм бол”

хэмээн жиргэжээ. Үүнээс гадна

“Кимийн найзууд хоёр долоо хоногийн турш тусгаарлалтад байчихаад гэнэт яах гэж байгаагаа ойлгон баярласан нь гайхалтай юм”

гэж тохуурхах хүмүүс ч байгаа юм.