Үйл явдал

Австралийн Ньюкастл хотод нэг настай хүүхдээ суулган жолоо барьж явсан бүсгүй жолоо алдан хадан цохион дээрээс далайн эрэг рүү унаж, машин далайн ус руу оржээ. Азаар ээж болон хүүхэд амь насаа алдаагүй ч, бэртэл гэтмэл авсан тухай далайн эрэг дээр хүлээж байхдаа бүх үйл явцыг харсан хүүхдийн аав нь гэрчилсэн байна.

Тус хотын түргэн тусламжийн газрын төлөөлөгчийн хэлснээр пүрэв гарагийн өглөө 10 цаг 15 минутад Баар арлын орчмоос гурван хүн осолдсон, тэдний дунд хүүхэд байгаа гэх дуудлага иржээ. Хүүхэд тархиндаа бага зэргийн гэмтэд авч, жолоо барьж явсан 40 настай бүсгүй хөлөндөө хүнд бэртэл авсан байна. Тэднийг Жон Хантэрийн эмнэлэг рүү түргэн тусламжийнхан яаралтай авч явсан бөгөөд тэдэнтэй мөргөлдсөн волксваген машины жолооч 32 настай бүсгүй бага зэрэг гэмтэл авч, эмнэлэгт хүргэгджээ. Гэхдээ ийм хүнд ослоос бүгд эрүүл саруул гарч чадсан нь үнэхээр гайхалтай аз байлаа гэдгийг аврах багийн дарга мэдээлжээ.