Үйл явдал

АНУ, Кубын харилцаа бүс нутаг төдийгүй олон улсын анхаарлыг ихээр татдаг. 1959 онд болсон Кубын хувьсгалын дараа АНУ тус улсын эсрэг эдийн засгийн хориг арга хэмжээ авч эхэлсэн. Кубын эдийн засгийн хамгийн чухал салбаруудын хэвийн үйл ажиллаагааг алдагдуулах нь эдийн засгийн хориг арга хэмжээний гол зорилго байсан юм.

Үүний дараа 1962 онд АНУ-ын Ерөнхийлөгч Жон Кеннеди  Кубын эсрэг бүрэн хориг тогтоосон түүхтэй. Хоригийн дагуу АНУ-ын компаниуд Куба улстай худалдаа хийхийг хориглох, америкчуудыг Кубад аялал жуулчлалаар очихыг хориглох, Кубын усан онгоц, агаарын хөлгийг АНУ-ын нутаг дэвсгэрт нэвтрүүлэхгүй байх зэрэг заалт орсон байна. Улмаар Куба дахь АНУ-ын элчин сайдын яам 1960 онд хаагдсан. Үүнээс хойш 2015 онд Ерөнхийлөгч асан Барак Обама хоёр улсын дипломат харилцааг сэргээх олон ажлыг явуулж байсан. Харамсалтай нь Ерөнхийлөгч Трампын засаглал гарч ирсэнээр дахин Кубын эрсэг маш олон хориг тавьсан. Иргэдийн хувьд Ерөнхийлөгч Трампаас өөр хүн энэ удаагийн сонгуульд сонгогдвол хоёр улсын харилцаанд эерэг өөрчлөлт хийж магадгүй байх гэсэн итгэл таьж байна. Хэрвээ дипломат харилцаа эргэн сэргэвэл Кубын иргэдэд маш олон боломж, шинэ гарц бий болохыг иргэд хэлжээ.