Үйл явдал

Дэлхийн хэмжээнд хамгийн их халдвар бүртгэгдсэн энэ улсын зарим хот мужид тахалтай холбоотой хөл хорио, онц байдлын хоригийг үргэлжлүүлж байна. Өнөөдөр өглөөний байдлаар дэлхийн хэмжээнд коронавируст халдварын батлагдсан тохиолдол 11 сая 737 мянга болжээ.

Халдварын тохиолдлоор АНУ-д гурван сая 40 мянган иргэн халдвар авсан нь батлагдан, нэгдүгээрт бичигдэж байна. Үүний араас Бразил Улс 1 сая 626 мянган халдварын тохиолдолтой бичигдэж байна. Үүнээс гадна Бразил Улсад халдварын улмаас нас барсан иргэдийн тоо 65 мянгад хүрчээ. Хэдэн долоо хоног дараалан ОХУ халдварын тохиолдлоор гуравт бичигдэж байсан бол Энэтхэг Улсад халдварын тохиолдол эрчимтэй нэмэгдсээр ОХУ-ынхыг давсан байна. Одоогоор Энэтхэг Улсад 720 мянган халдварын тохиолдол батлагдан, 260 мянга иргэн идэвхтэй халдвартай эмчлүүлж байгаа юм.

Түүнчлэн хэдхэн өдрийн өмнө халдварын тохиолдлоор эхний 10-т ч бичигдэж байгаагүй Перу Улс хамгийн их халдвар батлагдсан тав дахь орноор нэглэгдэх болжээ. Ерөнхийдөө Латин Америкийн орнуудад халдварын нөхцөл байдал муу хэвээрээ байна.

ДЭМБ-ын зүгээс яаран хөл хориог цуцлахгүй байхыг анхааруулсаар байна.

Азийн орнуудын хувьд Япон Улсад сүүлийн үед халдвар эрчимжих хандлагатай болоод байгааг мэдэгдээд байгаа юм. Сүүлийн таван өдөр дараалаад халдварын шинээр батлагдах тохиолдол 100-аас буураагүй байна.  Өчигдөр гэхэд 102 халдварын тохиолдол батлагдсан.

Эрх баригчдын зүгээс баар, уушийн газар нь халдвар тархах эрсдэл өндөр бүсэд багтаж байгааг анхааруулсаар байна.