Үйл явдал

АНУ-д болж байгаа арьс өнгөний ялгаварлын эсрэг жагсаал цуглаанаас үүдэн Ирланд Улсын нийслэл Дублинд залуус арьс өнгөний ялгаварлын эсрэг жагсаал хийж дуу хоолойгоо өргөж байна. Дублинд залуус тайван жагсаал хийж байгаа учраас бэртэл гэмтэл, эмх замбараагүй байдал үүсээгүй байна.

АНУ-д Африк гаралтай залууг цагдаагийн ажилтан ёс бус үйлдлээрээ амь насанд нь хүрсэн. Энэ хэргээс хойш АНУ-д жагсаал цуглаан гарч, олон иргэд бэртэж гэмтэх бизнесийн байгууллагууд халдлагад өртөх гэх мэт үймээн самуун дэгдсэн. Дублин хотод жагсаал хийж байгаа иргэд АНУ-ын Элчин сайдын яамны ойролцоо жагсаалтай холбоотой туг далбаа, самбар барин жагсаж байна. Тэдний барьсан самбар дээр арьс өнгөний ялгаварлыг зогсоох утга бүхий өгүүлбэрүүд бичээстэй байгаагаас гадна иргэд АНУ-д арьс өнгөний ялгаварлал одоо хүртэл байгаа нь буруу хэмээн нэгэн дуугаар хэлж жагсаалаа өрнүүлсээр байгаа юм.