Үйл явдал

Их Наран улсын нийслэл Токио хотод эрх баригчдын гаргасан шийдвэрийн дагуу хөл хориог сулруулж эхэлсэн. Өнгөрсөн Даваа гарагаас эхлэн бага болон дунд сургуулийн үйл ажиллагаагаа эргэн хэвийн байдалдаа орж, хүүхдүүх хичээлдээ явж эхэллээ.

Токио хотын бага дунд сургуулийн үйл ажиллагаа цар тахлын улмаас орох хугацаа нь хойшилсоор 3 сарын турш сурагчид хичээлдээ яваагүй. Токиогийн Митака хотын Хигашидай бага сургуульд бөөгнөрөл үүсгэхгүйн тулд нэг ангийн сурагчдыг хоёр бүлэг болгон хичээллүүлж байна. Нэгдүгээр ангийн сурагчид урт хугацааг цахим хичээл үзэж өнгөрүүлсэн. Одоогоор сурагчид хирагана үсгийн хэрхэн бичих тухай сурсан байгаа юм байна. Нэгэн эрэгтэй сурагч сургуульдаа очиж хичээлээ хийх тухай мөрөөдөж байсан, одоо энэ мөрөөдөл биеллээ хэмээн хэвлэлийнхэнд ярьжээ. Токио хотын хэмжээнд 1800 орчим бага дунд сургууль үйл ажиллагаагаа эхлүүлж байна.