Үйл явдал

Олон Улсын хүүхдийн баярыг БНХАУ-д манай орны адил эцэг эхчүүд хүүхдүүдээ баярлуулан өнгөрүүлдэг. Энэ жилийн хувьд ихэнх оронд хөл хорио зарлаж, иргэд олноор цуглахгүй байхыг сануулсан байгаа. Ковид-19 цар тахлын голомт Ухань хотод болсон сэтгэл хөдөлгөм бичлэг цахимаар олны анхаарлыг татаад байна.

Энэхүү зураг дээр илгээмж зөөвөрлөдөг ажилтанд цагдаагийн албан хаагч хамгаалалтын малгайгаа сайтар зүүсэн байгааг нь хэлж байна. Ердөө гэрлэн дохионы үеэр зэрэгцэн зогсож байх үедээ ийм магтаал хэлсэн нь илгээмж зөөвөрлөдөг ажилтны сэтгэлийг хөдөлгөн тэрээр өөртөө байсан жижиг чихмэл тоглоомыг цагдаагийн ажилтанд өгчээ. Тэдний бичлэг олон иргэдэд эерэг энерги өгч цахим ертөнцийн хайлтыг тэргүүлснээр цагдаа бэлгэнд авсан чихмэлийнхээ зургийг даран цахимаар хуваалцсан байна. Цар тахлын улмаас олныг хамарсан үйл ажиллагаа явуулахгүй байгаа Ухань хотод Олон улсын хүүхдийн эрхийг хамгаалах өдөр ийм үйл явдал болсон нь энэ улсын иргэдийн сэтгэлийг ихэд хөдөлгөжээ.