AFP/KCNA

Үйл явдал

Умард Солонгосын удирдагч Ким Чен Ун цагаан морь хөлөглөн Пэктусан уулаар зугаалжээ. Ким Чен Уны өөрийн ойрын тойрон хүрээлэл, цэргийн дарга нарынхаа хамтаар морь хөлөглөн зугаалж байгаа фото зургийг ЦТАК мэдээллийн агентлаг нийтэлсэн байна. Тэгвэл барууны хэвлэлийнхэн Ким Чен Уны энэ зугаалгын талаар ийнхүү онцлон мэдээлж байгааг ямар нэгэн томоохон үйл явдлыг зөгнөж байгаа хэрэг гэж үзэж байгаа юм. 

Ким өмнө нь өнгөрсөн 10-р сард мөн морь унан, эцэг өвгөдийнхөө мэндэлсэн газар орон гэгддэг алдарт Пэктусан ууланд зугаалж байжээ. Тэгвэл тэрхүү явдлын дараахан Пхеньян цөмийн баллистик пуужингийн туршилт явуулж байсан юм. Энэ удаад Ким Чен Ун мөн л цагаан морь хөлөглөн, уулын орой өөд яван, зугаалжээ. Гадны шинжээч, ажиглагч нар Ким Чен Уны энэ үйлдлийг Пхеньяны зүгээс ямар нэгэн алхам, ямар нэгэн үйлдэл хийж болзошгүй дохио гэж үзэж байна. Сөүлийн их сургуулийн профессор Жон Делуригийн үзэж байгаагаар удахгүй шинэ он гарна, магадгүй ирэх он томоохон өөрчлөлт авчирч болзошгүй, тэр тусмаа тун удахгүй Умард Солонгосын коммунист намын их хурал болно гэдгийг онцолж байна. 

KCNA/AFP

AFP/KCNA

REUTERS