Үйл явдал

Араб-Израилийн хоорондын хямрал дахин олон улсын анхаарлын төвд орж, Ойрхи Дорнодын бүс нутагт нөхцөл байдал тогтворгүйтжээ. Гаазын зурвасын Хеврон хотоос холгүй, дүрвэгсдийн Арруб хуаранд Палестины иргэд болоод Израилийн цэргийнхэний хооронд мөргөлдөөн болсон байна. 

Палестины талын эх сурвалжуудын мэдээлж байгаагаар эхлээд Израилийн цэргийнхэн тэдэн рүү халджээ. Дүрвэгсдийн хуарангийн оршин суугчид Израилийн эсрэг жагсаал цуглаан хийх үеэр Израилийн цэргийнхэн тэднийг тараахаар нулимс асгаруулагч хий цацсан байна. Түүнчлэн Израилийн тал хэд хоногийн өмнөөс дүрвэгсдийн хуаран луу нэвтрэх зам дагуух хяналт шалгалтаа өндөрсгөжээ. Түүнчлэн өнгөрсөн даваа гарагт Израилийн нэг цэрэг Палестины иргэн рүү гал нээж аминд нь халдсан хэрэг гарсан нь бүс нутаг дахь нөхцөл байдлыг хурцатгажээ.