Улс төр

Япон, Өмнөд Солонгос, АНУ-ын батлан хамгаалахын сайд нар Тайландын нийслэл Бангкок хотноо гурвалсан уулзалт явуулжээ. Японы гадаад хэргийн сайд Таро Коно, Өмнөд Солонгосын хамтрагч Жон Кёнду болон Пентагоны тэргүүн Маск Эспер нар гурван улсын цэрэг, батлан хамгаалахын салбарын хамтын ажиллагааны талаар хэлэлцэж, Солонгосын хойгийн аюулгүй байдлын талаар санал бодлоо солилцсон байна. 

Гурван улсын батлан хамгаалахын сайд нарын уулзалтын үеэр талууд Аюулгүй байдлыг хангах Нэгдсэн гэрээний талаар хэлэлцжээ. Энэхүү гэрээний хүчинтэй хугацаа ирэх бямба гарагт дуусгавар болж байгаа учраас талууд цаашид гурвалсан хамтын ажиллагаа, бүс нутгийн аюулгүй тогтвортой байдлыг хангах, цэрэг батлан хамгаалахын салбарын асуудлаар хэлэлцсэн байна. Түүнчлэн талууд нүүр тулсан уулзалтынхаа үеэр аюулгүй байдал, цэргийн хамтарсан сургуулилт, тагнуулын мэдээ сэлт солилцох зэргийн талаар хэлэлцжээ. Бангкокийн уулзалтын хүрээнд Япон, Өмнө Солонгосын батлан хамгаалахын сайд нар мөн тусгайлан нүүр тулсан уулзалт явуулж Солонгосын хойгийн аюулгүй байдал, Умард Солонгосын талаас явуулж байгаа цөмийн баллистик пуужингийн туршилт зэргийн талаар хэлэлцсэн байна.