Улс төр

Ираны ерөнхийлөгч Хасан Роухани АНУ, Израилийн сионист дэглэм, болоод Саудын Арабын тал улс орных нь эсрэг нэгдэн шахалт үзүүлж байгаа учраас Тегеран олон улсын дарамт шахалтын эсрэг эсэргүүцэл үзүүлэхээс аргагүй байдалд байгааг тэмдэглэн хэлсэн байна. 

Ираны төрийн тэргүүн Арбаины өдрийг тохиолдуулан ард иргэддээ хандан үг хэлэх үеэрээ энэ талаар онцлон мэдэгджээ. Тэрээр доктор Адель Карими Гивийн гэрт зочлох үеэрээ энэ талаар хөндөн ярьж, улс орных нь эсрэг зогсч байгаа дайсагнагч улс орнууд өөрсдийн эрх ашгаа эхэнд тавьж, бусад улс орныг үл хүндэтгэж байгааг хэзээ ч хүлээн зөвшөөрөхгүй гэжээ. Тиймээс АНУ болон Израилийн талаас үзүүлж байгаа шахалтын эсрэг баттай зогсч, улс орныхоо эрх ашгийг хамгаалах нь чухал гэжээ. Иран улстай байгуулсан цөмийн гэрээнээс АНУ анх нэг талт байдлаар гарч, улмаар Ираны цөмийн асуудлыг дахин сөхөн тавьж байгаа нь шударга бус болохыг Роухани мэдэгдэлдээ онцолжээ.