Нийгэм

Есхөн настай охиныг зодож хөнөөсөн аймшигт хэрэг нийгмийг цочроолоо. Тусламж хүссээр байхад анхаарч хараагүй бүх албан тушаалтанд хатуу хариуцлага тооцохыг ч Ерөнхий сайд үүрэг болгоод байна. Өнөөдөр Баянзүрх дүүргийн удирдлагууд болон дүүргийн хүүхдийн эрхийн байгууллагууд мэдээлэл хийлээ. Бүх хүүхдэд хүрч ажиллахад хүн хүчээс эхлээд хөрөнгө санхүү муу гэдэг өөдгүй хариултаа дахин хэллээ. Харин цагдаагийн байгууллагын шалгалтын дараа хариуцлага ярина гэдгээ онцоллоо.

9 настай хүүхэд хойд эцэгтээ зодуулан харамсалтайгаар амь насаа алдсан. Үүнд, төрийн байгууллагын уялдаа холбоогүй байдал томоохон нөлөө үзүүлснийг шалгалтаар илэрсэн зарим нотолгоо харуулж байгаа юм. Тухайлбал, хамтарсан багт орж ажилладаг нийгмийн ажилтан хорооны цагдаа, эрүүл мэндийн ажилтан хүүхдийн эрхийг хамгаалах, аюулгүй байдлыг хангах бүхий л ажлыг хийх ёстой. Гэсэн ч хариуцлага алдсан шат шатны төрийн албаныхнаас үүдэн охин амиа алдах нөхцөл байдалд хүрсэн гэдгийг мэргэжлийн бөйгууллага урьдчилсан байдлаар дүгнээд байна. Тэгвэл хэрэг гарсан БЗД-ийн удирдлагууд өнөөдөр хүүхэд хамгааллын чиглэлээр хийх ажлаа эрчимжүүлж байгаагаа зарлалаа. Дүүргийн хувьд хэт олон хүн амд үйлчилдэг. Хамтарсан багийн хүрэлцээ дутмаг, зардал хүрэлцээггүй, шилжилт хөдөлгөөн их зэрэг тайлбар өгч байна.

ФЭЙСБҮҮК ШУУД ҮЗЭХ