Нийгэм

Хавар болж цаг агаар дулаарахтай зэрэгцэн лагер зусланд галын дуудлага эрс нэмэгддэг. Иргэд шар өвс шатааж, гал алдсаны улмаас байшин барилга, эд хөрөнгөөрөө хохирдог байна. Өнгөрсөн жил гэхэд л 10 гаруй зуслангийн байшин хэдхэн цагийн дотор шатаж байсан удаатай. Тийм учраас хуурай, салхитай улиралд галын аюулаас сонор сэрэмжтэй байхыг сануулж байна. 

Өнгөрсөн 3 хоногийн хугацаанд 6 өрх 11 иргэн угаарын дуудлага өгч, зөвлөмж авчээ. Үүнээс 7 нь хүүхэд, 4 нь том хүн байжээ. Дээрх дуудлагуудад мэргэжлийн байгууллагаас угаарын шалтгааныг нэг бүрчлэн тодруулахад, 3 нь зуухны яндангийн сойлтыг хаасан, буруу галлагаа хийсэн, зуух, пийшингийн битүүмжлэл алдагдсанаас үүдэлтэй угаартсан байна гэдгийг мэргэжлийн байгууллагаас тогтоожээ. Мөн өнөөдөр өгсөн мэдээлэлд дурдсанаар өнгөрсөн жил агаарын бохирдлын бууруулах чиглэлээр гэр хорооллын 180 орчим айл өрхөд төслийн зуух, хямдралтай үнээр олгосон байдаг. Харин эдгээр угаартсан болон зуух, пийшингийн битүүмжлэл алдагдаж байгаа айл өрхүүдийн хувьд бүгд энгийн зуух байгаа нь асуудал гэдгийг мөн хөндлөө.  Мөн энэ жил 60 мянган өрхөд угаарт мэдрэгч суурьлуулаад байгаа ч иргэд тухайн угаар мэдрэгчийг унтраах, эсвэл батерей дууссан гэх шалтгаанаар ажиллуулахгүй байх нь эрсдэлд хүргээд байна гэдгийг санууллаа. Тиймээс иргэд цаг дулаарч байна гэж сонор сэрэмжээ сулруулалгүй хариуцлагатай байх хэрэгтэй гэлээ.

Мөн улс орон даяар үүсээд байгаа нөхцөл байдалтай холбоотой хичээл сургууль амарсан байгаа. Энэ үед өсвөр насны хүүхдүүд болон өндөр настан гэрээ сахиж үлдэж байна. Энэ үед буруу галлагаа хийх нь мөн угаартах эрсдлийн нэг шалтгаан болж байгааг хэллээ. Иргэдийг угаартахаас сэргийлж угаар мэдрэгч ямар ч үнэ төлбөргүйгээр айл өрх болгонд суурилуулж өгөөд байтал иргэд үүнийг зөв ашиглаж чадахгүй байна. Монгол хэл дээрх гарын авлага зэрэгтэй огт ажиллахгүй байгааг мэргэжлийн байгууллагынхан хэллээ.  Мөн угаартлаа гэсэн дуудлага мэдээллээр мэргэжлийн байгууллагынхан газар дээр нь очиход угаар мэдрэгчээ унтраасан, эсвэл мэдрэгчийн батерей дуусан гэх шалтаг хэлээд суух нь иргэд өөрсдийн амь нас, эрүүл мэндэд хариуцлагатай хандахгүй байгааг шүүмжиллээ.

Батерейний хувьд бол өөрөө өндөр хүчин чадалтай учраас хоёр жилийн баталгаатай гэдгийг мөн хэлээ. Харин цаг дулаарч түлшний хэрэглээ багасдаг зуны улиралд  сайжруулсан шахмал түлшийг томоохон авто замын хэсгүүдээр худалдаалах зохион байгуулалтыг хийж байгааг дуулгалаа. Ковид-19 халдварын нөхцөл байдалтай холбоотойгоор улс орон даяар хөл хорио тогтоогоод байгаа энэ үед гэрээ сахиж үлдэж байгаа бага олон өсвөр насны хүүхэд, өнөр настандаа тавих хараа  хяналтаа алдалгүй, хэрхэн зөв галлагаа хийх, зуухны битүүмжлэл зэргийг байнга шалгаж байхыг мэргэжлийн байгууллагаас санууллаа.