Нийгэм

Ковид-19 халдвараас урьдчилан сэргийлэх ажил нийслэлийн хэмжээнд эрчимтэй явагдаж байгааг хотын удирдлагууд хэлж байна. НЗДТГ болон захирагчийн ажлын албанаас короновирусын халдвараас урьдчилан сэргийлэх чиглэлээр хийж хэрэгжүүлж байгаа ажлуудын үр дүн сайн байгааг танилцууллаа.

Нийслэл хот руу  орж гарах хөдөлгөөн хэвийн үргэлжилж байна. Нийлэлийн хэмжээнд автомашин шалган нэвтрүүлэх найман товчоодод хяналт шалгалт, ариутгал халдваргүйтлийн ажил тогтмол хийгдэж байгаа гэлээ. Эмээлт, Баруун туруун, Өлзийт, Морингийн даваа, Ар гүнт, Хонхор, Оргил худалдааны төв, Хэрлэнгийн гүүр гэсэн эдгээр шалган нэвтрүүлэх товчоодод цагдаа, онцгой, мэргэжлийн хяналт, мал эмнэлгийн газрууд хамтран эрүүл мэндийн байгууллагын чиглэлийн дагуу ажиллаж байна. Энэ ажил сан явагдаж байгааг хотын удирдлагууд онцолж байна. Албаныхан ажил үүргээ сайн гүйцэтгэж, иргэд зорчигчид асуумж судалгаагаа цааргалалгүй, дэлгэрэнгүй өгч байгаа гэлээ.

Мөн гудамж талбайн ариутгал, халдваргүйжүүлэлт тогтмол хийгдэж байгаа. Гудамж талбайн ариутгал 03.17-ноос эхэлсэн. Орон сууц, гэр хорооллын гудамж талбайд одоогоор 2335.2 км зам, 117.50 м.кв талбайд ариутгал хийсэн байна.

Энэ ажил улс орон даяар зохион байгуулагдана. Дахин 2-3 удаа нийслэлийн хэмжээнд ариутгал, цэвэрлэгээ хийгдэнэ гэлээ.