Нийгэм

Нийслэлийн иргэн та авто зам ашигласны төлбөрт хамгийн багадаа 20 мянган төгрөгийн татвар төлдөг байсан. Харин  ирэх он гарсаар хамгийн багадаа 100 мянган төгрөгийн төлбөр төлдөг болно. Энэ нь хотын авто замын түгжрэлийг бууруулж, замын чанарыг сайжруулна гэж хотын удирдлагууд тайлбарлаж байгаа. Тэгвэл автомашин эзэмшигч иргэд ямар байр суурьтай байгааг бид сурвалжиллаа. 

Нийслэлийн авто зам ашигласны төлбөрийг 5 дахин нэмэгдүүлж 100-350 мянган төгрөг төлөх НИТХ-ын тогтоол батлагдаж, ирэх 2020 оны нэгдүгээр сарын нэгнээс хэрэгжиж эхэлнэ. Үүнд:

-          2000 см3 хүртэл хөдөлгүүрийн багтаамжтай автомашин 100 мянган төгрөг,

-          2201-3000 см3 хөдөлгүүрийн багтаамжтай автомашин 150 мянган төгрөг,

-          3001-4000 см3-с дээш хөдөлгүүрийн багтаамжтай автомашин 250 мянган төгрөг,

-          4001 см3-ээс дээш хөдөлгүүрийн багтаамжтай автомашин 300 мянган төгрөг авто зам ашигласны төлбөрт төлөхөөр НИТХ-ЫН ТОГТООЛ БАТЛАГДСАН.

Улсын хэмжээнд 900 мянга гаруй тээврийн хэрэгсэл бүртгэлтэй байдагаас 500 орчим мянган тээврийн хэрэгсэл нь Улаанбаатар хотын бүртгэлтэй. Эдгээр жолоочид жилд нийслэлийн төсөвт 40 орчим тэрбум төгрөг төвлөрүүлдэг гэсэн тоо бий. Гэсэн ч татварын энэ мөнгө зам бүтээн байгуулалт, зам арчилгааны зардалд хүрдэггүй зэрэг үндэслэлээр зам ашигласны төлбөрийг 5 дахин нэмэгдүүлж байгаа гэж хотын удирдлагууд тайлбарлаад байгаа.

Олон улсын жишигт нийцүүлж, иргэддээ үйлчилгээ үзүүлдэг бол нэмэгдсэн төлбөрийг иргэд асуудал төлнө гэдгээ хэлж байсан. Өнөөдөр зөвхөн Яармаг орчмын гэр хорооллын дундах зам гэхэд л үзэгч таны харж байгаа ийм байдалтай байна. Өнгөрсөн жил ашиглалтад өгсөн гэж байгаа ч зам эхнээсээ эвдэрч, энд тэндгүй эв хав муутай нөхөөстэй. Такси үйлчилгээ эрхлэгчид машин байрлуулах зам талбай байхгүй, зай завсрыг нь харж байгаад явган хүний зам дээр түр зогсоход замын цагдаагаас ирээд нэг удаагийн 24 мянган төгрөгөөр торгочихдог гээд зовлон байдагаа ярилаа.

Дэлхийн жишиг гэж хол ярилгүй, нийслэлийнхээ иргэдийн ая тухтай замын хөдөлгөөнд зорчих боломжийг бүрдүүлж,  Авто зам дагасан асуудлаа бүрэн цогцоор нь шийдддэг,  Хүнийхээ төлөө шийдвэр, бодлого нь гардаг, хэрэгждэг байхыг иргэд мөн хүсч буйгаа учирлаж байлаа.