Нийгэм

Ирэх оны эхнээс нийгмийн даатгалын шимтгэл нэмэгдэнэ. Цалингийнхаа 26 хувийг улсад төлөх юм. Энэ нэмэгдлийг Монголын үйлдвэрчний эвлэлийн холбоо болон бусад иргэнийн нийгмийн байгууллагууд эсэргүүцэж байгаагаа мэдэгдсэн. Тэгвэл өнөөдөр Баялаг бүтээгчдийн холбоо өөрсдийн байр сууриа илэрхийллээ. Голдуу 5-10 хүнийг ажлын байраар хангадаг жижиг дунд үйлдвэрлэгчид татварын нэмэгдлийг хүлээн зөвшөөрөхгүй гэдгээ зарлалаа.

Бидний төлсөн татвар багадаагүй уриалгад Монголын баялаг бүтээгчдийн холбоо нэгдлээ. Жижиг дунд үйлдвэрлэл эрхлэгчид нь улс орны хөгжилд өөрсдийн хувь нэмрээ оруулахаас гадна ажилчдынхаа нийгмийн баталгааг хангаж байдаг. Гэтэл ирэх онд НДШ-ийг 2 хувиар нэмэгдүүлэхээр болсон. Энэ нь ажил олгогч болон ажилчдын нуруунд хүнд ачаа болно. Зарим ЖДҮ эрхлэгчид болон баялаг бүтээгчид хэвийн үйл ажиллагаа явуулахад саад болох учир НДШ-ийг нэмэгдүүлэхийг эсэргүүцэж байна гэсэн юм.

Монгол улсын ерөнхийлөгчийн НДШ-ийг нэмэгдүүлэх хуулийн төсөлд  хориг тавина гэдгээ илэрхийлсэн. Сангийн сайдын зүгээс хориг тавих боломжгүй гэх тайлбарыг өгсөн. Харин Монгол Баялаг бүтээгчдийн холбоо Ерөнхийлөгчөөс гаргасан дээрх шийдвэрийг гэдгээ хэлсэн юм.

Монгол улсад үйл ажиллагаа явуулж байгаа 60 мянга гаруй жижиг дунд үйлдвэрлэл эрхлэгч, баялаг бүтээгчид тус холбоонд гишүүнчлэлтэй. Эдгээр байгууллагууд хүний нөөцийн хомсдол салбарт их байгааг онцолдог. Гэтэл НДШ-ийн нэмэгдэл нь энэ асуудлыг шийдэх бус улам ч ихэсгэж, ажилдын хомсдолд орох болно гэсэн юм.