Нийгэм

Улаанбаатар хотын айл өрхүүд сайжруулсан шахмал түлш хэрэглэж эхэлсэн. Хасах 30 градусын хүйтэн хонож байгаа өдрүүдэд, утаа өнгөрсөн жилүүдээс харьцангуй бага болсныг бүгд харцгааж байна. Тэгвэл утаа багассан ч нүдэнд харагдахгүй хорт хий их байгаа гэдэг цуу мэдээлэл сошиал орчинд түгэж эхэллээ. Энэ талаар шинжлэх ухааны үндэслэлтэйгээр тайлбар авлаа. Ямар нэг хорт хий Улаанбаатарт байхгүй. Санаа амар байж болохыг эрдэмтэд хэлж байна.

Сайжруулсан шахмал түлш түлсэн ч агаарын бохирдол буурахгүй байна гэж зарим иргэд үзэж өөрсдийн үзэл бодлыг сошиал орчинд бичих болсон. Тэгвэл энэ асуудалд ШУА-ийн зарим эрдэмтэн судлаачид тайлбар хийсэн байсан юм. Тухайлбал ШУА-ийн академич Ж.Тэмүүжин нүүрсэнд агуулагдах хүхрийн хий сошиал орчинд яригдаж байгаа шиг 20 хувь илүү байна гэдэг ор үндэсгүй гэсэн байна. Үүнийг ШУА-ийн нүүрсний Хими-Технологийн лабораторийн эрхлэгч дараах тайлбарыг өгч байна.

Долоо хоног бүрийн Даваа пүрэв гарагт НОБГ, НМХГ, НАБТГ-аас мэдээлэл хийдэг. Сайжруулсан түлшний галлагаатай холбогдон гарах эрсдэл, асуудал өнгөрсөн долоо хоногт гараагүй гэдгийг мэргэжилтнүүд мэдэгдлээ. Иргэдийн хувьд ч зааврын дагуу галлаж байгаа гэж байна. Галлах хооронд утаа үнэртэхэд толгой өвдөх зовиур байгааг ч зарим нь хэлж байна.

Агаарын чанарын үзүүлэлтийг хянах 36 өндөрлөг цэгээс авсан мэдээгээр өнгөрсөн долоо хоногийн байдлаар РМ10 буюу том ширхэгт тоосонцорын хэмжээ өнгөрсөн жилийнхтэй ижил байгааг мэргэжилтнүүд хэлж байна. харин РМ2.5 буюу нарийн ширхэгт тоосонцор өнгөрсөн оныхоос 1.3 дахин бага илэрчээ.