Архив...

Намууд

Ардчилсан нам дотор хагарал ширүүсч байгааг тус намын үндэсний бодлогын хорооны гишүүн мэдээллээ. Тодруулбал, Ардчилсан намаас нэр дэвшихээр горилогч 100 саяын дэнчин өгөх ёстойг ил зарласан намын дарга нь дэнчингийн хэмжээг 300-400 сая болгосон гэнэ. Үүнээс гадна өөрийн ойрын хүмүүсийг дунд шатны даргаар тавьж Ардчиллын нэр барьсан намын дарга нь коммунист дарангуйлагч болсон тул сонгуульд ийм байдлаар орохгүй гэлээ

Ардчилсан намаас нэр дэвшихээр горилогчдын дэнчин 100 саяас эхлэсэн бол өнөөдрийн байдлаар 300-400 саяд хүрсэн байна. Гэхдээ дээрх мөнгийг өгөөд ч мандат авч чадах эсэх нь эргэлзээтэйг хэллээ.

Д. МӨНХ-ЭРДЭНЭ: АРДЧИЛСАН НАМЫН ДОТООД ХАГАРАЛ ТУЙЛДАА ХҮРСЭН

Тус намын дарга гишүүдээ бодлогоор биш мөнгөөр уралдуулж байгааг тэрээр онцолсон юм. Үүнээс гадна өнгөрсөн сонгуулиар иргэд Ардчилсан намыг биш С.Эрдэнэ даргын гэр бүлийг сонгосон хэмээн тодотголоо. Учир нь Үндэсний бодлогын хорооны 51 хувь буюу олонхийг хамаарал бүхий хүмүүсээрээ бүрдүүлж, үнэлгээний хороо байгуулан хүргэнээ багтааснаар хүчийг үзүүлж шийдвэр гаргадаг болсон гэлээ. Тиймээс энэ удаагийн сонгуульд тус намын гишүүд С.Эрдэнэ даргатай орохгүй хэрэв үгүй бол ямарч даргагүйгээр өрсөлдөнө гэдгээ мэдэгдлээ.

Ардчилсан намын бодлогын хорооны гишүүд гурван төрлийн шаардлагыг даргадаа хүргүүлж байгаа гэнэ. Үүнд сонгуульд өрсөлдөх дэнчин өгсөн гишүүдээ бодлогын хороондоо танилцуулах, намын санхүүжилтээ ил болгох зэргээр шаардлагыг биелүүлэхгүй бол АТГ, ТЕГ хүний эрхийн комисст хандахаа хэлсэн юм. Шаардлагыг 72 цагийн дотор биелүүлэхгүй бол төрийн эрхийг хууль бусаар авахыг завдсан хэргээр хуулийн байгууллагад хандахаа мэдэгдлээ.