Архив...

Намууд

Улсын их хурал дахь Шинэ намын зөвлөл өнөөдөр /2020.01.20/ гурван асуудлаар хуралдсан байна. Тэд орон нутгийн сонгуулийн хуульд өөрсдийн саналаа хүргүүллээ. Орон нутаг бол иргэдтэй хамгийн ойр ажиллах нэгж. Тийм учраас сонгуульд намуудыг оролцуулахгүй байх санал гаргасан байна. Ингэснээр улстөржилтөөс холдоно гэж үзжээ.

Нутгийн удирдах ёсны байгууллага хэвийн ажиллахад саад болж байгаа нэг гол асуудал нь улс төрийн намуудын талцал. Үүнээс үүдэж төрийн ажил гацаж байгаа гэдгийг Шинэ намын дарга мэдэгдсэн. Иймд орон нутгийн сонгуульд улс төрийн намууд оролцох ёсгүй, иргэд нэрээ дэвшүүлэх нь зөв гэсэн саналыг гаргаад байгаа. Энэхүү саналыг ч 23 нам дэмжиж байгаа гэдгийг хэлсэн.

Манай улсад нийт 850 мянга гаруй гэр бүл бий. Шинэ намаас эдгээр  гэр бүлүүд рүү чиглэсэн бодлогыг боловсруулж, тэднийг дэмжинэ гэдгээ мэдэгдсэн. Энэ хүрээнд хуулийн төсөл боловсруулж, УИХ-д өргөн барихаар болсон. Одоогоор ажлын хэсэг томилогдон ажиллаж байна.

Мөн өнөөдрийн хурлаар эрчим хүчний үнэ тарифын нэмэгдлийг эсэргүүцэж байгаа гэдгээ мэдэгдсэн.  Мөн 5 жилийн хугацаанд эрчим, хүчний үнэ тарифт тодорхой өөрчлөлт гарсан. Энэ нь иргэдийн амьдралд дарамт үзүүлж байгаа учир, үнэ тарифыг бууруулахад анхаарч ажиллана гэсэн юм.