Засгийн газар

Улсын онцгой комисс коронавирусын эсрэг бүхий л хүчин чадлаа дайчлан ажиллаж байна. Иргэд болон байгууллага, аж ахуй нэгжээс тусламж дэмжлэг илгээсээр байгаа юм. Олон хүн цуглуулах боломжгүй учраас цөөн хүн хүргэж өгөх байдлаар хандив өгч эхэлжээ. Тэгвэл Зам тээврийн хөгжлийн яам болон харъяа байгууллагууд 16 сая төгрөгийн хандивыг Онцгой байдлын ерөнхий газарт хүлээлгэн өглөө.  

Ковид-19 халдварын анхны тохиолдол манай улсад бүртгэгдсэн. Төр засаг, эрүүл мэндийн салбар, төрийн тусгай чиг үүргийн бүхий л байгууллагууд эрвийх дэрвийхээрээ ажиллаж байгаа энэ цаг үед халдварыг газар авахуулахгүй байх, урьдчилан сэргийлэх  чиглэлээр Дэлхийн эрүүл мэндийн байгууллагын зөвлөх баг манай улсад ажиллаж, гадны улс оронд хэрэгжүүлж байгаа бүхий л сайн үр дүнтэй туршлага болон үндсэн гурван чиглэлээр ажиллах нь тохиолдол болон, тархалтыг хязгаарлах, урьдчилан сэргийлж чадна гэж зөвлөсөн. Мөн Эрүүл мэндийн яам болон Улсын онцгой комиссын албан ёсны дансаар иргэд болон аж ахуй нэгж байгууллагууд ч мөн сэтгэлийн хандиваа өгч дэлхий дахиныг түгшүүрт автуулаад байгаа ковид-19 халдвараас урьдчилан сэргийлэх ажилд гар бие, сэтгэлийн хандив өгсөөр байгаа. Энэ хандивын эгнээнд Зам тээврийн хөгжлийн яам нэгдэж, 16 сая төгрөгийн хандивыг Улсын онцгой комисст хүлээлгэн өглөө.

Харин дээрх хандивын тал хэсгийг Улаанбаатар төмөр замын нэгдсэн эмнэлэгт хэрэгцээтэй байгаа халдвараас урьдчилан сэргийлэх ариутгал халдваргүйжүүлэлтийн бодис зэрэгт зарцуулахаар хандивыг өгсөн байна. Мөн цаашид улсын хэмжээнд халдвараас урьдчилан сэргийлэх чиглэлээр хийгдэж байгаа ажлыг дэмжихээс гадна Зам тээврийн яам дотооддоо зохион байгуулалтад алба хаагчдаа ажлаа зайнаас хийх боломж олгож байгаа. Гэхдээ салбарын онцлогоос хамаарч энэ зохион байгуулалтад цөөн тооны  хүн хамрагдаж байгаа гэлээ. Цаашид халдвараас урьдчилан сэргийлэх чиглэлээр өдөр шөнөгүй 24 цагаар ажиллаж байгаа тусгай чиг үүргийн төрийн байгууллагад туслалцаа үзүүлж ажиллаж болно гэдгээ илэрхийллээ.