Засгийн газар

Ирэх Ням гарагаас тусгай үүргийн онгоц нисэж гадны улс орнуудаас иргэдээ авна. Өвчний голомттой бүс нутгаас ирж байгаа хүмүүсийг тусгаарлах байранд хуваарилан оруулах, өвчтэй хүмүүсийн асаргаа сувилгааг үргэлжлүүлэх, бага насны хүүхдийг хэрхэн халамжлах гээд Онцгой байдлын ерөнхий газар бэлтгэл ажлаа хангаж байна. Мянган иргэн учраас цэргийн хуаран, эмнэлэг, сувиллын газрууд гээд аль болох олон хүн хэвтэх боломжтой байгууллагуудыг дайчлахаар төлөвлөжээ. Өнөөдөр Улсын онцгой комиссын дарга бэлтгэл ажилтай танилцлаа.