Засгийн газар

Монгол улс Дорноговь аймагт газрын тос боловсруулах үйлдвэр барьж эхэлсэн. Удахгүй түлшний салбар гадны хараат байхаа больж бид өөрсдийнхөө үйлдвэрлэсэн бензинээр техникээ хөдөлгөнө. Энэ ажлыг Энэтхэг улстай хамтран хэрэгжүүлж байгаа юм. Тэгвэл Энэтхэг улс ажил хурдацтай явж байгааг онцоллоо. Мөн газрын тос боловсруулах үйлдвэрийг дагасан томоохон хот сүндэрлэж байгааг өнөөдөр танилцууллаа. Барилга бүтээн байгуулалтын ажлууд ч эхэлжээ.  

Газрын тос боловсруулах үйлдвэр байгуулснаар манай эдийн засаг түлш шатахууны импортын хараат байдлаас гарч, гадагш урсах валютын хэмжээ, түүнчлэн инфляцийн түвшин буурч, бараа бүтээгдэхүүн үнэ тогтворжих боломжтой гэж  харж байгаа. 2017 оноос эхэлсэн Боловсруулах үйлдвэрийн бүтээн байгуулалтын ажил үргэлжилж байна. Өнгөрсөн онд төмөр зам хүнд даацын автозам, цахилгаан станц баригдаж дууссан бол ирэх онуудад техникийн бус барилга байгууламжууд баригдахаар төлөвлөгдөж байна. Үүнд, боловсруулах үйлвэрт ажиллах үйлдвэрийн 7-9 мянган гадаад болон дотоодын ажилчдад зориулсан амьдрах байр болон сургууль цэцэрлэгийн барилгууд багтаж байна. Ингэхдээ тус бүс нутагт бүтээн байгуулалт болж үлдэхээр нийт 60 мянган тэрбум төгрөгийн бүтээн байгуулалтын ажил хийгдэнэ гэлээ.

Өнөөдөр болсон хоёр улсын бизнес уулзалтад Манай улсад баригдаж байгаа боловсруулах үйлвэрийн хөрөнгө оруулалт нь Энэтхэг улсын талаас хийгдэж байгаа хамгийн том хөрөнгө оруулалт гэдгийг онцоллоо. Үйлдвэр ашиглалтад ороход 550 айлын орон сууц, түүнийг дагасан дэд бүтэц, нэг ёсондоо өнөөдөр бүтээн байгуулалт өрнөхөөс өмнө тал байсан газар аймаг сумдын хэмжээнд хүрч хөгжинө гэдгийг үйлдвэрийн гүйцэтгэх захирал ярьж байна.

Газрын тос боловсруулах үйлвэр нь Дорноговь аймгийн Алтанширээ сумын Тосон уул 19 болон Тамсагийн 21 талбайгаас олборлолт хийнэ. Ингэхдээ Монгол улсын стандартын шаардлагад нийцэх Евро 5 стандартаар боловсруулах юм. Боловсруулах үйлдвэрийн хөрөнгө оруулалтын ажлыг Энэтхэг улсын талаас ямар нэгэн байдлаар саатуулахгүй, үргэлжлүүлнэ. Харин 2020 оны Их хурлын сонгуультай холбоотойгоор  манай талаас царцаахгүй байх гэдэгт  найдаж буйгаа өнөөдөр болсон бизнес форумын үеэр хөндсөн юм.