Улсын Их хурал

Энэ удаагийн парламент тэтгэврийн реформ хийнэ гэдгээ мэдэгдэж хуулийн төсөл өргөн барьсан. Хэрвээ одоогийн системээр үргэлжилбэл 2030 он гэхэд Тэтгэврийн сан дампуурна гэж үзэж байгаа юм. Гэвч өчигдөр хуралдсан байнгын хорооны хуралдаан дээр энэ хуулийн төсөл дэмжлэг авч чадсангүй. Сонгууль бүрээр улстөрийн намууд шоу болгож ярьдаггүй байхын тулд ойрын хугацаанд шийдвэрлэх ёстой гэж зарим гишүүд хэлж байна. 

Насаараа ажиллаж, НДШ төлчихөөд тэтгэвэрт гараад  багахан тэтгэвэр авдаг,  нас барахаараа ганцхан сая төгрөг аваад дуусдаг тогтолцоо манай улсад хэрэгждэг. Тиймээс нэр бүхий гишүүд Хувийн тэтгэврийн сангийн тухай хуулийн төслийг УИХ-д оруулж ирэхдээ ажил олгогч, ажилтан хоёрын хамтран төлж байгаа 17%-иас 4%-ийг нь албан журмаар шууд Хувийн тэтгэврийн сан руу шилжүүлэх саналыг гаргаад байгаа юм. Хэдийгээр энэ саналыг нь ЗГ дэмжээгүй боловч хувийн даатгалын компаниудаас ийм үйлчилгээ үзүүлээд эхэлчихсэн учраас хуульчлах ёстой гэж хууль санаачлагч хэлж байна.

Н.УЧРАЛ:  25 ЖИЛ БОЛГООМЖЛООД ЯМАР ҮР ДҮН ГАРСАНГҮЙ

Өчигдөр дээрхи асуудал байнгын хорооны хуралдаанаар орж, гишүүдийн санал тэнцсэнээр асуудал байнгын хороон дээр унасан.  Татгалзсан гишүүдийн нэг болох гишүүн Ганбаатараас гаргасан шийдвэрийнх нь талаар тодрууллаа.

С.Ганбаатар: Тэтгэврийн реформ хийх нь зөв, гэхдээ судлах ёстой

Мөн татгалзсан гишүүдийн жагсаалтад Сарангэрэл, Саранчимэг нар байсан. Тэднээс хуулийн төслийг унагасан шалтгааныг тодруулахад хуралдаанд суугаагүй эзгүй хойгуур нь санал хураалт яваад татгалзсанд тооцогдсон байсан гэж тайлбарласан. Харин дэмжсэн гишүүдийн нэг Жаргалмаа дараах мэдээллийг өгч байна.

Хэдийгээр УИХ-ын гишүүд болон ЗГ-ын санаачилсан төслүүд нь зарчмын ялгаагүй боловч тогтолцоогоо тодорхой болгох асуудал дээр санал зөрөлдөж байгаа юм байна. Уг асуудал байнгын хороон дээр ийнхүү унасан ч УИХ-ын чуулганаар дэмжигдэх магадлал өндөр юм аа.