Эрүүл мэнд

Манай улсад коронавирусийн анхны тохиолдол Франц улсын иргэнээс илэрсэн. Түүнийг Халдвар өвчин судлалын үндэсний төвд тусгаарлан хянаж байна. Франц улсын иргэнд монголчууд хурдан эдгэхийг ерөөж, сэтгэлийн дэмжлэг өгч эхэлжээ. Аль хэдийн Монгол нэртэй болсон түүнд өдөр бүр эдгэрэхийг хүссэн захидал, мессеж хаяглагдах болсон байна.  Өнөөдөр ч халдвартай иргэнд шар тос, ил захидал илгээснийг хүргүүллээ.  

Франц улсын иргэнийг Дорноговь аймгаас шилжүүлэн авчирч, эмчилгээ хийж эхэлсэн. Түүний биеийн байдал сайжирч, ханиалгах шинж тэмдэг буурч, хоолны дуршил  нэмэгдсэн байна. Мөн түүнд эрүүл энхийг хүсэж, олон иргэд ХӨСҮТ-д хандах болжээ. Өнөөдөр нэгэн иргэн түүнийг түргэн эдгэхийг хүсэж, шар тос ил захидлын хамт өгсөн байна.

Захидалд:

Хүндэт Анх-Отгон,

Анх-Отгон гэдэг нь "Анхны бөгөөд Сүүлчийн" өвчтөн гэсэн утгатай Монгол наргиа юм. Монгол эмч нар таныг эдгээнэ гэдэгт итгээрэй. Энэ бол таны амьдралд мартагдашгүй дурсамж юм. Өөрийгөө бүү буруутга! Монголын бурхан сахиусууд таныг ивээг!

Өглөө бүр шар тостой кофе уугаарай! Өдрийг сайхан өнгөрүүлээрэй!

Хүндэтгэн ёсолсон,

Д.Нити

Франц улсын иргэнээс Коронавируст халдвар илэрсэн даруйд түүнтэй ойр харилцсан, ойрын хавьтлын тохиолдлуудыг олж, шинжилгээнд хамруулсан. Харин түүнийг энэ сарын 11-нд Улаанбаатар хотод шилжүүлэн авчирж, эмчилгээ хийж эхэлсэн юм. Шинжүүлэн авчрах үед ямар нэгэн хүндрэл гараагүй, гэхдээ биеийн байдал хүндэвтэр байгааг тухайн үед хэлж байсан. Харин цаг алдалгүй эмчилгээ хийж эхэлсэн учир, биеийн байдал сайжирч эхэлжээ.