Эрүүл мэнд

Өчигдөр өглөө /2020.01.28/ ДЭМБ-аас өгсөн мэдээллээр шинэ коронавирусын халдвараар нас барсан хүний дэлхийн хэмжээнд 106 бүртгэгдсэнийг мэдээлсэн. Тэгвэл өнөө өглөөний өгсөн мэдээллээр нас барсан иргэдийн тоо нэмэгдээгүй, харин 103 хүн бүрэн эдгэрч эмнэлгээс гарсныг онцоллоо. Мөн Монгол улсад өнөөдрийн коронавирус бүртгэгдээгүй. Монгол хүн халдвар авсан гэх мэдээллийг Австрали улсын олон улсын эрүүл мэндийн дүрмийн зохицуулагч байгууллагаас залруулж, хүлцэл өчснөнийг ДЭМБ-ын Монгол дахь суурин төлөөлөгч Сергей Диорица ярилаа.

Өнөө өглөөний 10 цагийн байдлаар /2020.01.29/ дэлхийн хэмжээнд шинэ коронавирусээр өвчилсөн хүний тоо 4593, сэжигтэй тохиолдол 6973, хүнд хэлбэр 973, нас баралт 106 бүртгэгджээ. БНХАУ-аас гадна Дэлхийн эрүүл мэндийн байгуулллагын дөрвөн бүсийн 14 улсад 56 тохиолдол батлагдсан байна. Эдгээрийн 42 тохиолдол нь Ухань хотоор аялсан гэх өгүүлэмжийг өгчээ. ДЭМБ-аас эмнэл зүйн мэдээллийн санг үүсгэж байгаа гэлээ. ДЭМБ-ын удирдлагууд БНХАУ-ын дарга Ши Жиньпинтэй уулзаж, цаашид хэрэгжүүлэх арга хэмжээний талаар ярилцсаныг Монгол улс дахь сууурин төлөөлөгч Сергей Диордица мэдээллээ.

СЕРГЕЙ ДИОРДИЦА ДЭМБ-ЫН МОНГОЛ ДАХЬ СУУРИН ТӨЛӨӨЛӨГЧ

Орчуулга: Өчигдөр буюу 2020 оны 1-р сарын 28-нд ДЭМБ-ын ерөнхий захирлаар ахлуулсан удирдах албаныхан БНХАУ-ын дарга Ши Жиньпинтэй уулзаж ярилцсан. Ухань хотод тархалтыг хязгаарлаж, бусад хотод авч байгаа арга хэмжээг эрчимжүүлэх, мөн вирусын судалгааг үргэлжлүүлж мэдээллээ солилцох талаар ярьсан. Хятадын тал биологийн сорьцуудаа ДЭМБ-т өгөх талаар мөн тохиролцсон. Эдгээр арга хэмжээ нь багцын эмчилгээг гаргаж авахад чухал түлхэц болох юм.

Тэрбээр мөн өчигдөр хэвлэл мэдээллийн хэрэгсэл, цахим оричнд газар авсан мэдээллийн талаар залруулга хийсэн юм. Австрали улсад очсон монгол иргэнээс шинэ коронавирусын халдвар илрээгүй нь батлагдсан. Анх мэдээлэл өгснөөс хойш 3 цагийн дараа Австралиас дахин холбогдож мэдээллээ залруулсан гэлээ.

СЕРГЕЙ ДИОРДИЦА ДЭМБ-ЫН МОНГОЛ ДАХЬ СУУРИН ТӨЛӨӨЛӨГЧ

Орчуулга: Австрали улсын олон улсын эрүүл мэндийн дүрмийн зохицуулагч байгууллагаас өгчигдөр 12:20 цагийн үед Монгол улс дахь олон улсын эрүүл мэндийн дүрмийн зохицуулагч болох ХӨСҮТ-тэй холбогдсон. Ингэхдээ Гуанжоугаас Мельбурнд очсон Монгол иргэн халдвар авсан байна гэж мэдээлсэн бол үүнээс хойш 3 цагийн дараа буюу 15:10 минутад дахин холбогдож, Монгол улсын иргэн өөрөө халдвар аваагүй, халдвартай хүнтэй нэг онгоцонд суусан. Гэхдээ вирус илрээгүй гэдгийг баттайгаар мэдээлсэн юм.  Энэ мэт Олон улсын эрүүл мэндийн дүрмийн зохицуулагч байгууллагууд өөр хоорондоо  харилцан холбоотой байж, шуурхай ажиллаж байгаад ДЭМБ-ын зүгээс баяртай байна.

Олон улсын эрүүл мэндийн дүрмийг 196 орон дагаж мөрддөг. Үүний нэг нь манай улс юм. Одоогоор шинэ коронавирус манай улсда бүртгэгдээгүй байна.

ФЭЙСБҮҮК ШУУД