Эрүүл мэнд

Монгол эмч нар өвдөгний үенд хиймэл үе бүтэн суулгах мэс засал анх удаа амжилттай хийлээ. Гэмтэл согог судлалын үнэдсний төвийн Р.Баяртулга ахлагчтай эмч нар энэ эмчилгээг эх орондоо нэвтрүүлч чадсан байна. Тэд герман технологи ашиглажээ. Монголд эмчлэх боломжгүйд тооцогддог өвчний тоо дахин нэгээр хасагдлаа. Гэмтэл согог судлалын үндэсний төвөөс бэлтгэсэн сурвалжлагыг одоо хүргэе.

ГССҮТ-д тогтмол хийгддэг мэс заслуудын нэг бол өвдөгний үе солих эмчилгээ юм. Өнгөрсөн онд нийт 150 өвчтөн энэ төрлийн хагалгаанд орж байжээ. Тухайн үед эмч өвчтөнд ямар мэс засал, эмчилгээг хийх талаар шийдвэр гаргаж байсан бол энэхүү системийг нэвтрүүлснээр компьютер дээр хянах боломжтой болж байна. Өөрөөр хэлбэл илүү нарийвчлалтайгаар тодорхойлох юм.

ГССҮТ ӨВДӨГНИЙ ХИЙМЭЛ ҮЕ СОЛИХ ЭМЧИЛГЭЭНИЙ ПРАКТИКТ ШИНЭ ТЕХНОЛОГИ НЭВТРҮҮЛЛЭЭ

Германы Brain Lab компанийн Navigation төхөөрөмжийн нийт өртөг нь 150-200 мянган долларын өртөгтэй. Бид олон улсад ашиглаж байгаа шинэ технологийг ийнхүү эмчилгээнд нэвтрүүлж чадсан учир иргэд өвдөгний үе солих хагалгааг хийлгэх гэж өндөр үнэ төлж гадагшаа явах шаардлагагүй болж байна. Цаашид мөн ГССҮТ-өөс олон улсад ашиглаж байгаа шинэ технологи, эмчилгээний аргуудыг нэвтрүүлэхээр зорилт тавин ажиллаж байна.