Эдийн засаг

БНХАУ-аас дамжин өнгөрөх чингэлгийн транзит 102 галт тэрэгний аялал цуцлагдсан нь дамжин өнгөрөх тээвэр буурахад нөлөөлснийг албаныхан ярьж байна. Импортын тээвэр 8 хувиар, орон нутгийн тээвэрлэлт 10 орчим хувиар буурчээ. Өндөр тарифтай ачаа тээвэр буурсан, халдварт өвчнөөс урьдчилан сэргийлэх ажилд төлөвлөгдөөгүй зардал гарсан, УОК-оос өгсөн үүрэг даалгаврыг биелүүлэхэд нэмэлт зардал гаргаж байгаа зэргээс шалтгаалж УБТЗ өнөөдрийн байдлаар 16.3 тэрбум төгрөгийн орлогоо алджээ.

Энэ онд 28.3 сая тонн ачаа тээвэрлэхээр төлөвлөсөн ч дамжин өнгөрөх ачааны хувь 18 орчим хувиар буурч, орлогоо алдаж байгаа тул яаралтай арга хэмжэээ авах, орлогоо нөхөх гарц гаргалгааг холбогдох албаныхан ярилцаж эхэлжээ.

Хөрш төмөр замуудаас тээвэрлэгдэн ирж байгаа вагон чингэлгүүдийг нэг бүрчлэн ариутгал халдваргүйтэл хийх ажлыг  холбогдох мэргэжлийн байгууллагатай хамтран 2 хилийн өртөөн дээр зохион байгуулж байгаа гэлээ.