Архив...

Эдийн засаг

Иргэн бүрийн эзэмшиж байгаа 1072 ширхэг хувьцаа ирэх 5-р сарын нэгний өдрөөс амь орж ноогдол ашиг тараана. Нэг хүнд ойролцоогоор 94 мянган төгрөг оногдохоор байгаа юм. Даваа гараг бүр Эрдэнэс Таван толгой компани ноогдол ашгаа хэрхэн хуваах, бэлтгэл ажил ямар түвшинд хангагдсан зэрэг мэдээллийг өгч эхэлсэн. Өнөөдөр ээлжит хэвлэлийн бага хурал боллоо.

Эрдэнэс Тавантолгой компанийн 1072 хувьцааг 2,511,000 иргэн эзэмшиж байгаа. Дээрх иргэдэд 5-р сарын 1-ний өдрөөс ногдол ашиг болох 96,480 төгрөг тараах шийдвэрийг гаргасан. Үүнтэй холбоотой иргэдэд мэдээлэл өгөх 1800-1072 дугаарын утсанд дараах хоёр асуултыг иргэд маш ихээр тавьж байгаа гэнэ. Үүнд нас барсан иргэний хувьцааг хэрхэх, шилжүүлэн авч болох эсэх, ногдол ашгийг яг хэзээ тараах вэ гэдгийг тодруулж байгаа юм байна. Тиймээс дээрх асуултуудад албаны хүн дараах хариултыг өглөө.

Хөл хорио тогтоосон үед иргэд хөрөнгийн биржийг зорих нь их байна

Коронавирусийн халдвараас сэргийлэх зорилгоор иргэд олноор цуглахгүй байхыг сануулж хөл хорио тогтоогоод байгаа. Гэвч иргэд хувьцааны данс нээлгэх зорилгоор хөрөнгийн биржийг зорих нь их байгааг албаны хүн хэллээ. Тиймээс иргэд өөрийн биеэр хөрөнгийн бирж дээр ирэх шаардлагагүй онлайнаар данс нээлгэх бүрэн боломжтойг санууллаа.

Нийслэлийн иргэд 1072 хувьцаатай мэдээллийг онлайнаар бүрэн авах боломжтой бол орон нутгийн иргэд мессеж үйлчилгээгээр мэдээллээ авах бүрэн боломжтой. Өнөөдрийн байдлаар 1 сая 850 мянган иргэн хувьцааны дансаа нээлгээд байгаа юм. Иргэд хувьцааны дансаа арилжааны банкны данстайгаа холбосноор ногдол ашигаа авна. Харин данс нээж байгаа брокерын компаниуд хувьцаа арилжсаны дараа шимтгэл авдаг байна. Тиймээс иргэд компаниа сонгохдоо хэдэн хувийн шимтгэл авч байгааг сайтар нягтлах хэрэгтэйг санууллаа.