Ковид-19

Манай дэлхийг цочроож байгаа аймшигт цар тахлаар өвчилсөн иргэдийн тоо хоёр долоо хоногийн зайтайгаар нэг саяар нэмэгдсээр байна. Өнөөдөр ковид-19 тахлын тоон үзүүлэлтийн мэдээллийг хүргэдэг Жонс Хопкинсийн Их сургууль болон ДЭМБ-аас дэлхийн нийт халдвар авсан иргэдийн тоо 5 сая хүрсэн тухай мэдээллээ.

Нас баралтын тохиолдол 329 мянгад хүрээд байгаа юм. Эдгэрэлтийн хувьд хоёр сая хүрсэн байгаа нь эерэг сайхан мэдээ болж байна. Үүнээс гадна өнгөрсөн 24 цагийн дотор дэлхийн хэмжээнд тахал дэгдсэнээс хойших хамгийн их тохиолдол бүртгэгдсэн өдөр буюу 106 мянга гаруй шинэ тохиолдол батлагдав. Тодруулбал АНУ, ОХУ, Энэтхэг, Бразил зэрэг улсад халдварын нэмэгдэх тохиолдол буухгүй байна.