Ковид-19

Япон Улсад халдварын тархац өнгөрсөн хэдэн долоо хоногт эрчимтэй нэмэгдэж байсан. Цар тахлыг хяналттай байлгаж, өвчлөлийн тоог бууруулах үүднээс энэ улсын Засгийн газраас зарласан онц байдлын хугацааг 5-р сарын 6-нд дуусах байсныг энэ сарыг дуустал сунгасан юм.

“Улс даяар онц байдал зарлан хөл хорио тогтоогоод нэг сарын хугацаа өнгөрчээ. Энэ хугацаанд шинээр нэмэгдэх халдварын тохиолдол гуравны нэгээр буурсан байна. Нэг хүнээс өөр бусад хүн рүү халдварлах тоо ч бас багасчээ. Эдгээр тоон үзүүлэлт вирусын эсрэг манай улсын хийж байгаа үйл ажиллагаа үр дүнгээ өгч, бидний тахлын эсрэг авах арга хэмжээний чадамж сайжирч байгааг харуулж байна. Гэхдээ цар тахлын эсрэг үйл ажиллагааг үргэлжлүүлэх зайлшгүй шаардлагатай байгаа. Учир нь өвчтөнүүд хангалттай тоогоор эдгэрээгүй учраас эрүүл мэндийн ажилтнуудын нөхцөл байдал урьдын адил хүнд хэвээрээ байгаа юм”

гэж хэлжээ.

“Би улс орныхоо нөхцөл байдлыг сайжруулж товлосон хугацаандаа онц байдлыг дуусгаж чадалгүй иргэдийнхээ амьдралыг уналтад оруулж байгаадаа уучлал хүсч байна. Энэ сарын эцэс гэхэд нөхцөл байдлыг хяналтдаа авч, улс үндэстнийхээ амьдралыг хэвийн үргэлжлүүлэх шаардлагатай. Иргэд ч мөн үүнд бэлтгэлтэй байх хэрэгтэй. Аль болох цар тахлаас иргэдийнхээ эрүүл мэндийг хамгаалахын хажуугаар тусгай төлөвлөгөөгөөр энгийн амьдралын хэвшлийг эхлүүлэх шаардлагатай байна”

хэмээжээ. Мөн тэрээр “Хэн ч халдвар авах боломжтой. Тиймээс одоо л иргэд бие биенээ хайрлан хүндлэх цаг нь юм шүү. Хэрвээ бид хамтдаа хичээвэл халдварын оргил үеийг давж чадахыг Хятад Улсаас харж байна. Би Японы иргэн бүрийг ойлгож дэмжээсэй гэж уриалж байна” хэмээн мэдэгджээ.