Ковид-19

Тусгай үүргийн Франкфуртийн онгоцоор ирсэн нэг иргэнд давтан шинжилгээ хийхэд коронавирусын халдвар илэрсэн байна. Ингээд нийт батлагдсан тохиолдол манай улсад 41 бүртгэгдлээ. Харин ХӨСҮТ-д эмчлүүлж байсан гадаадын бүх иргэн эдгэрч, эмнэлгээс гарсан байна.

Өчигдөр ХӨСҮТ болон ЗӨСҮТ, Дорнод, Дархан-Уул аймгийн вирус судлалын нийт 5 лабораторид 307 шинжилгээ хийжээ. Тусгай үүргийн нислэгээр ирсэн 275 хүнд, Дорнод аймгийн тандалтын зорилгоор хийгдсэн 6 хүнд коронавируст халдвар илрээгүй байна.

Дорнод аймаг дахь "Петрочайна Дачин тамсаг" компанийн жолооч халуураад хоолой нь өвдөх зовиуртай байсныг томуугийн тандалтын сүлжээгээр сорьц авч шинжилсэн. Энэ шинжилгээгээр хариу нь нэмэх гараад байсан бол лабораторийн шинжилгээгээр коронавируст халдвар илрээгүй байна.  

Харин Франкфуртийн онгоцоор ирсэн нэг иргэний давтан шинжилгээнээс коронавируст халдвар илэрчээ.

Халдвар авсан Турк Улсын иргэн өнөөдөр эмнэлгээс гарч, дараагийн хяналтад шилжжээ. Энэ иргэн 33 хоног эмчлүүлээд эдгэрсэн байна. ХӨСҮТ-д эмчлэгдэж байсан бүх гадаадын иргэд эдгэрч, эмнэлгээс гарсан байна. 

ФЭЙСБҮҮК ШУУД ҮЗЭХ