Топ мэдээнүүд

Grid List

Испанийн хаан Хуан Карлос эх орондоо 2 жилийн хугацаанд эзэнгүй байсны дараа эргэн иржээ. Хуан Карлос эх орондоо хэдэн хоног саатаж, гэр бүлийнхэнтэйгээ цагаа хамтдаа өнгөрүүлэхээр төлөвлөж байгаа юм. 

АНУ-ын Ерөнхийлөгч Жо Байден Цагаан ордонд Финлянд, Шведийн тэргүүлэгчдийг хүлээн авч уулзжээ. Хельсинки болон Стокгольмын талууд Умард Атлантын цэргийн эвсэлд нэгдэх албан ёсны хүсэлтээ гаргасны дараа Цагаан ордны тэргүүн хоёр улсын тэргүүнүүдийг хүлээн авсан байна. 

АНУ, Украины нийслэл Киев хот дахь ЭСЯ-аа нээж, Лхагва гарагаас эхлэн үйл ажиллагаагаа албан ёсоор эхлүүлжээ. Киев хот дахь Америкийн элчингийн барилгын дээр АНУ-ын туг далбаа дахин манджээ.

Украины Ерөнхийлөгч Владимир Зеленскийн амьдралыг өгүүлсэн комикс ном Америкт хэвлэгджээ. TidalWave Comics хэвлэлийн газраас Зеленскийн комик жүжигчнээс улс төрч, улс орны тэргүүн болсон намтар түүхийг харуулсан ном гаргасан байна. 

Орос-Украины хоорондын хямрал, дайн тулааныг зохицуулах хэлэлцээрийн үйл явц мухардмал байдалд ороод байна гэж Москва-Киевийн талууд мэдэгдэж байна. Албаны эх сурвалжийн мэдээлж байгаагаар хэлэлцээрийн үйл явц ахиц муутай, мухардмал байдалд орсон учраас Орос, Украины хэлэлцээрийн баг ажиллагаагаа түр зогсоожээ. 

Францын Канн хотноо олон улсын нэр хүндтэй кино наадам эхэллээ. Канны олон улсынкино наадам энэ жил 75 дахь удаа болж, нээлтийн арга хэмжээ, улаан хивсний ёслолболлоо. Энэ жилийн кино наадмыг Францын жүжигчин Виржини Эфира хөтлөн явуулж, Украины ерөнхийлөгч Владимир Зеленский кино наадмын зочид төлөөлөгчдөд хандан үг хэлжээ. 

Унгарын парламент улсынхаа Ерөнхий сайдаар Виктор Орбаныг 5 дахь удаагаа батлан сонголоо... Виктор Орбаныг засгийн газрын тэргүүнээр улираан сонгох санал хураалтаар парламентын 133 гишүүн түүний нэрийг дэмжиж, 27 нь эсэргүүцсэн байна. 

Украины дайн дэгдсэнээс хойш 3 сар орчим хугацаа өнгөрч байна. Тэгвэл дайн эхэлснээс хойш Евровижн хөгжмийн наадам нь Украинчуудын оролцсон анхны соёл урлагийн томоохон арга хэмжээ болжээ. Украины ерөнхийлөгч Владимир Зеленский Евровижн хөгжмийн наадамд улсыг нь төлөөлөн оролцсон хамтлаг түрүүлснийг “харанхуй дундах гэрэл” гэж нэрлэжээ. 

ОХУ-ын Ерөнхийлөгч Владимир Путин Барууны улс орнуудын зүгээс Москвагийн эсрэг тавьсан хориг дэлхий нийтийг хамарсан эдийн засгийн хямралд хүргэж болзошгүй гэж мэдэгдлээ.

Украины дайн тулаанаас үүдэн дэлхийн эдийн засгийн өсөлт саарч байна. Энэ талаар ОУВС-ийн тэргүүн Кристалина Георгиева мэдэгдлээ.

Финлянд улс НАТО-д элсэн хүсэлтээ ирэх долоо хоногийн дундуур Умард Атлантын цэргийн эвсэлд өргөн барихаар шийдвэрлэжээ. Энэ талаар Финляндын Гадаад хэргийн сайд Пекка Хаависто мэдэгдлээ.

НҮБ-ын Хүний эрхийн зөвлөл Украин дахь цэрэг дайны ажиллагаа сунжирч, Оросын тал хүний эрхийг ноцтой зөрчиж байгаа учраас Украин дахь нөхцөл байдлын талаар мөрдөн шалгах ажил явуулах талаар санал хураалт явуулжээ.

Украины Ерөнхийлөгч Владимир Зеленский: -Хэрвээ Украин улс НАТО-д дайнаас өмнө нэгдэж, эгнээнд нь элссэн бол энэ дайн гарахгүй байсан... гэсэн мэдэгдэл хийжээ.  

Афганистаны нийслэл Кабул хотод энэ улсын эмэгтэйчүүд эрхээ хамгаалан жагсчээ. Тэд “Бурка-миний хижаб биш” гэж хашгиран, талибаны дэглэм Афган эмэгтэйчүүдийг шариатын хууль журманд захирагдан, олон нийтийн газарт нүүр, биеэ битүү халхалсан хувцас хэрэглэл өмсөхийг шаардаж байгааг эсэргүүцжээ. 

Оросын тал Украины өмнөд хэсэгт байрлах, стратегийн чухал ач холбогдол бүхий Одесс хотыг эзлэх зорилгоор цэргийн ажиллагаа явуулж эхэлжээ.

Их Британийн хатан хаан 2-р Элизабет улсынхаа парламентын танхимын чуулганы нээлтэд зориулан жил бүр улс орны нөхцөл байдлын талаар илгээлт мэдэгдэл хийдэг уламжлалтай.

Украины Ерөнхийлөгч Владимир Зеленский Их Долоогийн бүлгийн улс орнуудад хандан Киевт тогтвортой санхүүгийн тусламж үзүүлэхийг хүсчээ.

Хятадын засаг захиргааны нэгж болох Хонконгийн шинэ тэргүүнээр Жон Ли сонгогдлоо. Жон Ли нь аюулгүй байдлын асуудал хариуцсан төрийн нарийн бичгийн даргаар ажиллаж байсан, Бээжингийн талыг баримтлагч улс төрч юм.