Топ мэдээнүүд

Grid List

АНУ Ерөнхийлөгч Жо Байден дэд ерөнхийлөгчөөр ажиллаж байх хугацаандаа нууцын зэрэглэлтэй бичиг баримтыг зохисгүй хадгалсан хэргийг мөрдөн шалгах ажлын хүрээнд АНУ-ын хууль зүйн яам Жо Байдены Делавар мужид байрлах 2 дахь гэрт нь Лхагва гарагт нэгжлэг хийжээ.

Даваа гарагт  АНУ-н Ерөнхийлөгч Жо Байдены засаг захиргаа ирэх 5-р сарын 11-нд COVID-19 цар тахлын онц байдлыг зогсооно гэж мэдэгджээ.  

ОУВСангаас 2023 онд Их Британи улсын эдийн засаг 0.6 хувиар буурна гэж мэдэгджээ. Гэсэн хэдий ч өнгөрсөн 8-р сарын мэдэгдлээс хойш Их Британийн эдийн засгийн байдал илт сайжирсан гэж Канцлер Jeremy Hunt хэлсэн байна.

Шинэ Зеландын Ерөнхий сайд Жасинда Ардерн ирэх сард албан тушаалаасаа огцрохоо зарлажээ. Тэрээр 2-р сарын 7-ны дотор Хөдөлмөрийн намын даргын суудлаасаа буух юм. Ерөнхий сайдыг орлох хүнийг тодруулах санал хураалт ойрын өдрүүдэд болох төлөвтэй байна.

Их Британи улсад 2022 оны зунаас хойш инфляци өндөр хэвээр, сувилагч, багш, төмөр замын ажилчдын цалин хөлсний хэмжээ тааруу байсаар байна.

АНУ-ын ерөнхийлөгч Жо Байденаас нууцлалын зэрэгтэй материал дахин олджээ. Жо Байдены дэд ерөнхийлөгч байхдаа ашиглаж байсан Вашингтон хот дахь хувийн судалгааны төвөөс эхний багц нууц материалууд олдсон.

Украин дахь Оросын цэргийн дээд командлагч Сергей Суровикин албан үүргээсээ чөлөөлөгдлөө. Оросын Батлан хамгаалахын сайд Сергей Шойгугийн шийдвэрээр Оросын Ерөнхий штабын дарга Валерий Герасимов Украин дахь байлдааны ажиллагааг командлахаар болсон байна.  

АНУ-ын Бүгд найрамдах намын тэргүүн Кевин Маккарти 15 удаагийн санал хураалтын дараа төлөөлөгчдийн танхимын даргаар сонгогдож чадлаа. АНУ-н иргэний дайны өмнөх үеэс хойш байгаагүй сунжирсан урт санал хураалт болж өнгөрлөө. Конгрессын танхимын хяналт 2019 оноос хойш анх удаа Бүгд найрамдах намын гарт буцаж ирж байгаа юм.

ОХУ энхийн хэлэлцээрт нээлттэй гэдгээ удаа дараа мэдэгдсээр ирсэн юм. Гэхдээ Украин болон түүний холбоотнууд үүнийг Орос цаг хожих гэсэн заль гэж үзэж байгааг Ал Жазийра мэдээлж байна. Зеленскийгийн Вашингтон дах айлчлалын үеэр ямар ч энх тайвныг уриалсан, эрэлхийлсэн үг, яриа байгаагүйг Кремлийн хэвлэлийн төлөөлөгч Дмитрий Песков онцолж, энэ нь АНУ Украинаар дамжуулан дайн хийж байгаагийн нотолгоо гэж хэлсэн байна. 

Украины ерөнхийлөгч Володимир Зеленский цэргийн тусламж ирж, мөргөлдөөнөөс хойшхи анхны айлчлалаа Лхагва гарагт АНУ-д хийсэн. Айлчлалын үеэр Ерөнхийлөгч Жо Байден Киевт 1.8 тэрбум долларын нэмэлт цэргийн тусламж амалж, довтолгооноос хамгаалах патриот систем нийлүүлэхээ мөн мэдэгдсэн юм.

Египетед зохион байгуулагдсан Уур амьсгалын 27 дахь бага хурал чинээлэг орнуудын үүсгэсэн, уур амьсгалын өөрчлөлтөөс үүдэлтэй бага орлоготой орнуудын зовлон зүдгүүрт анхаарлаа хандуулах зорилготой байсан юм. Тэгвэл, энэ удаагийн бага хурлаар төлөөлөгчид уур амьсгалын өөрчлөлтөөс үүдэлтэй гамшгийн хохирлыг барагдуулахад санал нэгджээ.

Дэлхийн эдийн засгийн 85%-ийг бүрдүүлдэг орнуудын удирдагчид Индонезийн Балид чуулж байна. Энэ сарын 15-16-ны хооронд болох Их 20-ийн дээд хэмжээний уулзалтаар дэлхийн эдийн засгийн асуудлаас авахуулаад, цаг уурын өөрчлөлт, тогтвортой эрчим хүч, өрийн төлбөрт өршөөл үзүүлэх, үндэстэн дамнасан корпорациудад татвар ноогдуулах хүртэл өргөн асуудлуудыг хэлэлцдэг, харин энэ удаагийхаар, Индонези, цар тахлын дараах эдийн засгийг сэргээхэд анхаарлаа хандуулахыг хүсэж байна. 

НҮБ-ын уур амьсгалын өөрчлөлтийн тухай 27 дахь удаагийн чуулган Египетийн Шарм ал-Шеих хотод 11-р сарын 6-наас-18-ны хооронд болж байна. Энэхүү бага хурлыг жил бүр зохион байгуулдаг бөгөөд НҮБ-ын уур амьсгалын тухай суурь конвенцид нэгдэн орсон орнууд чуулж, дэлхийн температурын өсөлтийг хянаж хязгаарлах алхмуудыг хэлэлцэн тохирдог.

Умард Солонгосыг хамарсан бас нэг мэдээллийг АНУ-ын төрийн департмэнтаас Лхагва гарагт гаргасан байна. БНАСАУ Украин дахь дайнд зориулж Орост их бууны сум нийлүүлж байгаа гэх мэдээлэл АНУ-ын албаныханд ирсэн гэж мэдэгдлээ. 

Хар тэнгисийн үр тариан санаачлагад Оросын тал эргэн нэгдсэн байна. Туркийн ерөнхийлөгч Рэжэп Тайип Эрдоган Лхагва гарагт гэрээ хэлэлцээр үргэлжлэнэ гэж мэдэгдлээ. Оросын төрийн мэдээллийн агентлаг “Тасс” Эрдоганы мэдэгдлийн дараахан Орос улс үр тарианы хэлэлцээрт оролцохоо үргэлжлүүлнэ гэсэн Батлан хамгаалахын сайд Сергеи Шойгугийн мэдэгдлийг дамжуулжээ. 

Их Британийн Ерөнхий сайд Риши Сунакийн эхнэр Акшата Мурти 2022 онд Энэтхэгийн хоёр дахь том мэдээллийн технологийн Infosys фирмийн хувьцааны ногдол ашгийн орлогоос 126,61 сая фунт стерлинг буюу 15.3 сая доллар олсон байна.

Улсын эдийн засаг маш хүнд хэцүү байгаа үед засгийн эрхийг өвлөн авч байгааг хэвлэл мэдээлэл төдийгүй олон улсын удирдагчид ч онцлон ярьж, Риши Сунакт амжилт хүсч байна. Их Британийн сүүлийн 200 жилийн хамгийн залуу удирдагчаар тодорч байгаа цагаач гаралтай, анхны Ази ерөнхий сайдын талаар.. олон улс тэр дундаа Энэтхэг улс хэрхэн хүлээж авсан нь ВВС-гийн анхаарлыг татжээ. 

Улсын эдийн засгийг аврах Шинэ сайдын  шийдвэр төлөвлөгөө юу байхыг хэвлэл мэдээллүүд олон өнцгөөс дүгнэн таамаглаж байгаа юм. Лизз Трассын амлалт, төлөвлөгөөг шүүмжилж эсэргүүцэж байсан нь зөв болж таарсныг Америкийн CNN агентлаг онцлон, Трасстай өрсөлдөж байх үедээ танилцуулж байсан шийдвэрүүддээ бат зогсох байх хэмээн таамаглаж байна.