Манай хойд хөрш ОХУ-д явагдсан Төрийн Думын сонгуулийн албан ёсны дүн гарчээ. Оросын СЕХ-ны мэдээлж байгаагаар парламентын сонгуулийн саналын хуудсыг 100% тоолж дууссан үзүүлэлтээр “Нэгдсэн Орос” нам сонгогчдын 49,82%-ийн санал авч тэргүүлжээ. Нийтдээ энэ удаагийн сонгуулиар Төрийн Думд улс төрийн 5 нам хүчин суудалтай болж, түүнчлэн 5 бие даан нэр дэвшигч сонгогджээ. 

Афганистаны засгийн эрхийг хяналтандаа оруулж, шинэ засгийн газраа эмхлэн байгуулаад байгаа Талибаны бүлэглэл дотроо хагаралдан талцсан талаарх мэдээлэл дэлхийн хэвлэл мэдээллийн хэрэгслүүдээр цацагдсан. Тэгвэл энэхүү мэдээллийг Талибаны Эмиратын засгийн газрын тэргүүний орлогчоор сонгогдсон Абдул Гани Барадар үгүйсгэн мэдэгдэл хийжээ.

Хонконгод өнгөрсөн онд болсон Тянаньмений талбайн оюутны бослогын ойг угтсан олныг хамарсан жагсаалд оролцсон хэргээр 9 идэвхтэнд 6-10 сарын хорих ял оногдуулжээ.