Монголын цагаан сар, Хятадын хаврын баяраар хилийн боомтыг гурван өдөр хааж, энэ сарын 4-нөөс хэвийн ажиллаж эхэлжээ.  

Ирэх Даваа гарагаас буюу 2-р сарын 14-ний өдрөөс бүх ерөнхий боловсролын сургууль болон цэцэрлэгийн сургалтыг 100 хувь танхимаар эхлүүлэх шийдвэрийг өнөөдөр ЗГ гаргалаа. Мөн цахимаар хичээл нь явж байгаа их дээд сургууль, коллеж, МСҮТ-ийн сургалтыг мөн 2-р сарын 14-нөөс танхимд шилжүүлэхээр боллоо. Харин гурван настнууд цэцэрлэгт хамрагдаж эхлэх бол хоёр настнуудыг хараахан хамруулах боломжгүй гэж салбар хариуцсан сайд засгийн газрын хуралдаанд танилцуулсан байна. 

Монгол Улсын Ерөнхийлөгчөөс өгсөн чиглэлийн дагуу ахмад настнуудын тэтгэвэр, тэтгэмжийг сар шинийн босгон дээр нэмэгдүүлж өнөөдөр иргэдийн дансанд бүрэн шилжүүлж дууслаа. Ахмадуудын тэтгэврийн нэмэгдэлд шаардлагатай эх үүсвэрийг улсын төсөвт тодотгол хийх замаар парламент шийдвэрлэсэн тул өнөөдөр Засгийн газар хуралдаж тэтгэвэр тэтгэмжийн нэмэгдлийг шуурхай олгох тогтоол гаргасан юм. Ийнхүү Засгийн газраас тогтоол баталж ахмадуудад тэтгэврийг нэмэгдэлтэй олгож эхэлснээр дундаж тэтгэврийн хэмжээ 548.4 мянгад хүрч байна.

Монголын цагаан сар, Хятадын хаврын баяраар хилийн боомтыг гурван өдөр хааж, энэ сарын 4-нөөс хэвийн ажиллаж эхэлжээ.  

Буян үйлдэгч хэмээх усан бар жилийн сар шинийн баяраа иргэд гэр гэртээ тэмдэглэн өнгөрүүлэхийг ЗГ, УОК, ЭМЯ-наас уриалж байна. Учир нь ковид-19 коронавируст халдвараар бага насны хүүхдүүд болон ахмад настнууд өвдөх тохиолдол нэмэгдсээр байна. Мөн нийслэлд идэвхтэй байгаа Омикрон хувилбарын давалгаа хөдөө орон нутаг руу тархах эрсдэл нэмэгдэж байгааг анхаарууллаа. Тиймээс иргэд дор бүрнээ хариуцлагатай байж ахмад настнууд болон бага насны хүүхдүүдээ халдварын эрсдэлээс хамгаалахыг уриаллаа.

Эрээний боомтод гацаад байсан ачаа тээврийг нарийн зохион байгуулалттайгаар нэвтрүүлж эхлээд байна. Өнөөдрийн байдлаар 14 мянган тонн ачаа татан аваад байгаа юм. Энэ долоо хоногт багтаж үлдсэн ачааг бүрэн татан авах тооцооллыг албаныхан танилцууллаа. Тээвэрлэлтийн зардал дунджаар 3 сая төгрөг байна.