TV5 Mongolia
TV5 Mongolia
ДЭМБ, COVID-19 коронавирусийн гарал үүслийг тогтоох, тодорхойлох судалгаа шинжилгээний ажлаа үргэлжлүүлэн явуулах хүсэлтэй байна. Гэхдээ цар тахал анх үүссэн Хятадын Ухань хотын эрх баригчид дахин ДЭМБ-ын шинжээчдийн багийг нэвтрүүлэхийг эсэргүүцсэний дараа коронавирусний гарал үүслийн судалгааг улстөржүүлж ойлгохыг байхыг албаны хүмүүс хүссэн байна.
ЕХ-ны улс орнууд цар тахлын шинэ давалгаанд бэлдэж байна. Европын орнуудад коронавируст халдварын тохиолдол эрс нэмэгдэн, Энэтхэгийн Дельта хувилбараас гадна Бета хувилбар газар авч, цар тахлаар өвчлөгсдийн нас залуужиж байна. Хэрвээ цар тахлын нөхцөл байдал цаашид ийнхүү хүндэрсээр байвал 4 дэх давалгаа дэгдэж, дахин онцгой байдал тогтооход хүрч болзошгүй байна.
ДЭМБ-ын мэдээгээр дэлхийн улс орнуудад сүүлийн 7 хоногт цар тахлын халдвараар нас барсан тохиолдол 21%-иар нэмэгджээ.Ингэхдээ нас баралт Зүүн Өмнөд Ази болоод Америк тивд нэмэгдсэн байна. COVID-19 коронавирусийн халдвараар өнөөдрийн байдлаар дэлхий даяар 195 сая хүн халдварлаж, 4 сая 100 мянган хүн нас бараад байна.
БНХАУ-д COVID-19 коронавирусний халдвар дотоодод дахин бүртгэгджээ. Нийтдээ Хятадын Эрүүл мэндийн үндэсний хорооны мэдээллээр цар тахлын халдварын 38 тохиолдол шинээр илэрсэн байна.
