АНУ-ын ерөнхийлөгч Жозеф Байден Цагаан ордны тэргүүний ажлаа эхлүүлснийхээ дараагаар гадны улс орнуудын хэд хэдэн тэргүүнтэй утсаар холбогджээ. Байден улсынхаа тэргүүний хувиар хамгийн түрүүнд Мексикийн ерөнхийлөгч Андрес Мануэль Лопестай утсаар хэлэлцжээ.

АНУ-ын ерөнхийлөгч Жо Байден улсынхаа тусгай албадад хандан 2020 оны Ерөнхийлөгчийн сонгуульд Орос улс хөндлөнгөөс оролцсон эсэхийг нягтлан шалгаж, дүгнэлт хийх тушаал зааварчилгаа өгчээ. Түүнчлэн Америкийн засгийн газрын байгууллагууд руу Оросын зүгээс кибер халдлага үйлдэгдсэн эсэхийг, мөн Оросын сөрөг хүчний нөлөө бүхий улс төрч Алексей Навальныйтай холбоотой хэргийн дагуух нөхцөл байдлыг судлах үүрэг даалгавар өгсөн байна.

АНУ-ын Ерөнхийлөгч Жо Байден өнгөрсөн сонгуулийн үеэр хэлж байсан үүрэг амлалтуудаа эхнээс нь биелүүлж эхэллээ. Цагаан ордны тэргүүн нэн тэргүүнд цар тахлын нөхцөл байдал улс оронд нь хүнд байгаа энэ цаг үед  ДЭМБ-ын жагсаалтыг халдварын тоогоороо тэргүүлж байгаа улс орондоо COVID-19 коронавирустэй тэмцэх Үндэсний хэмжээний бодлого, стратегиа танилцуулсан байна.